Na miažy byŭ paranieny litoŭski pamiežnik, mihranty sprabavali zaciahnuć jaho ŭ Biełaruś
Padčas zatrymańnia mihrantaŭ kala dvuch dziasiatkaŭ zamiežnikaŭ napali na pamiežnikaŭ.
Vypadak adbyŭsia na terytoryi Kapčamiesckaj pamiežnaj zastavy Aranskaha pamiežnaha padraździaleńnia ŭ kancy lipienia. Adzin z pamiežnikaŭ atrymaŭ lohkija traŭmy, a mihranty sprabavali pieraciahnuć jaho ŭ bok biełaruskaj terytoryi, paviedamiŭ Lrytas.
Infarmacyju pra toje, što adzin z supracoŭnikaŭ znachodzicca na balničnym, partału paćvierdziŭ staršynia prafsajuza ŭstanoŭ dasudovaha rasśledavańnia Vilenskaha pavieta Vitalijus Jahminas.
Pieršym pra incydent na minułym tydni paviedamiŭ partał Delfi. Pavodle jaho źviestak, u Łazdzijskim rajonie, paśla vyjaŭleńnia tunela, prakapanaha pad dziaržaŭnaj miažoj, čatyry pamiežniki arhanizavali zasadu.
Pamiežniki zatrymali niekalkich mihrantaŭ i nadzieli na ich kajdanki, adnak padčas zatrymańnia kala 20 zamiežnikaŭ napali na supracoŭnikaŭ.
Apošnim daviałosia ŭciakać, u toj čas jak nielehalnyja mihranty, u tym liku tyja, chto byŭ u kajdankach, schavalisia ŭ Biełarusi. Słužba achovy dziaržaŭnaj miažy Litvy paviedamlała pra znojdzieny tunel i mihrantaŭ, jakija ŭciakli, ale pra napad na supracoŭnikaŭ nie zhadvała.
Kiraŭnik Słužby achovy miažy Rustam Lubajeŭ nieadnarazova abviarhaŭ śćviardžeńni pra toje, što na supracoŭnikaŭ moh być ździejśnieny napad. Pavodle jaho słoŭ, Słužbie nie ŭdałosia ŭstanavić taki fakt.
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta10
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
Sens pravakacyi bačycca prazrystym - stralba.