На мяжы быў паранены літоўскі памежнік, мігранты спрабавалі зацягнуць яго ў Беларусь
Падчас затрымання мігрантаў каля двух дзясяткаў замежнікаў напалі на памежнікаў.
Выпадак адбыўся на тэрыторыі Капчамесцкай памежнай заставы Аранскага памежнага падраздзялення ў канцы ліпеня. Адзін з памежнікаў атрымаў лёгкія траўмы, а мігранты спрабавалі перацягнуць яго ў бок беларускай тэрыторыі, паведаміў Lrytas.
Інфармацыю пра тое, што адзін з супрацоўнікаў знаходзіцца на бальнічным, парталу пацвердзіў старшыня прафсаюза ўстаноў дасудовага расследавання Віленскага павета Віталіюс Ягмінас.
Першым пра інцыдэнт на мінулым тыдні паведаміў партал Delfi. Паводле яго звестак, у Лаздзiйскім раёне, пасля выяўлення тунэля, пракапанага пад дзяржаўнай мяжой, чатыры памежнікі арганізавалі засаду.
Памежнікі затрымалі некалькіх мігрантаў і надзелі на іх кайданкі, аднак падчас затрымання каля 20 замежнікаў напалі на супрацоўнікаў.
Апошнім давялося ўцякаць, у той час як нелегальныя мігранты, у тым ліку тыя, хто быў у кайданках, схаваліся ў Беларусі. Служба аховы дзяржаўнай мяжы Літвы паведамляла пра знойдзены тунэль і мігрантаў, якія ўцяклі, але пра напад на супрацоўнікаў не згадвала.
Кіраўнік Службы аховы мяжы Рустам Любаеў неаднаразова абвяргаў сцвярджэнні пра тое, што на супрацоўнікаў мог быць здзейснены напад. Паводле яго слоў, Службе не ўдалося ўстанавіць такі факт.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта5
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары
Сэнс правакацыі бачыцца празрыстым - стральба.