Uładalnika kampanii-pradaŭca na Wildberries i Ozon asudzili pa palityčnaj kryminałcy
Maksim Kisiel — minski biznesoviec sa šmathadovym vopytam i zasnavalnik kampanii Globalplace, jakaja dapamahaje biełaruskim vytvorcam pradavać svoj tavar na markietpłejsach.
Maksimu Kisielu 43 hady. Jon skončyŭ Biełaruski dziaržaŭny ekanamičny ŭniviersitet pa śpiecyjalnaści, źviazanaj ź biznesam i markietynham.
Z 2012 hoda Kisiel hienieralny dyrektar TAA «Hłobałpłejs» — kampanii, jakaja handluje na Wildberries i Ozon i biare na siabie poŭny cykł pracy pa vyvadzie na markietpłejsy inšych biełaruskich vytvorcaŭ.
Taksama mužčyna raźvivaŭ ułasnuju handlovuju marku kavy Rooster. Aproč hetaha, Kisiel kiravaŭ firmovaj kramaj biełaruskaha brenda moładzievaj vopratki Cerber Brand, a taksama vystupaŭ na roznych sieminarach i forumach pa biznesie.
28 lutaha 2026 hoda mužčyna znachodziŭsia na adpačynku za miažoj — publikavaŭ fota ź Cirola ŭ aŭstryjskich Alpach. Ale adrazu pa viartańni z-za miažy źnik z sacsietak. Padobna, tady jaho źmiaścili ŭ SIZA.
Niadaŭna ŭ Minskim haradskim sudzie jamu vynieśli prysud. Maksima Kisiala abvinavacili pavodle častak 1 i 2 artykuła 361‑4 Kryminalnaha kodeksa Biełarusi — «sadziejničańnie ekstremisckaj dziejnaści».
Biznesmienu prysudzili chatniuju chimiju.
«Naša Niva» — bastyjon biełaruščyny
PADTRYMAĆ
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ33
Kamientary
a jeŝio tot riefierient , čto iz orhanov .