«Stary čałaviek padobny da staroj mašyny». Arcybiskup Tadevuš Kandrusievič raskazaŭ, jak pačuvajecca paśla pieraniesienaj chvaroby
80‑hadovy ijerarch raspavioŭ pra svoj stan paśla vypiski z balnicy. Videazvarot źmieščany na YouTube-kanale ksiandza Alaksandra Ułasa.
22 lipienia Tadevuš Kandrusievič byŭ terminova špitalizavany ŭ adzin sa špitalaŭ Minska z pryčyny drennych vynikaŭ daśledavańnia serca. Adnak amal dva tydni znachodžańnia tam istotnaha palapšeńnia jaho zdaroŭja nie prynieśli. Tamu jon byŭ dastaŭleny ŭ RNPC Kardyjałohii, dzie jamu była praviedziena apieracyja pa stenciravańni ścienak kryvianosnych sasudaŭ.
«Ja ŭžo tak kažu: stary čałaviek padobny da staroj mašyny. Jak marafiet ni navodź, usio roŭna staraja mašyna. Tak i ŭ staroha čałavieka. To adna, to druhaja chvaroba. Usio žyćcio ja nikoli nie chvareŭ. Apošnija hady hetyja chvaroby adna za adnoj prychodziać.
Nu i akurat paśla Hudahajskaha festu, dzie ja adčuvaŭ siabie vielmi i vielmi dobra, mnie treba było iści na čarhovy kantrol da lekaraŭ. Pryjšoŭ tady, zrabili elektrakardyjahramu i adrazu adpravili ŭ špital. Paśla hetaha mnie pastavili niekalki stentaŭ, pačyścili adzin sa stentaŭ starych», — raskazaŭ Tadevuš Kandrusievič.
Siońnia jon znachodzicca na reabilitacyi ŭ Aksakaŭščynie pad Minskam.
«Adčuvaju siabie dobra, ale i tady ja adčuvaŭ siabie dobra, ničoha nie adčuvaŭ, što ŭ mianie niešta balić. Tolki lekaram heta nie padabałasia, nie padabałasia maja kardyjahrama. Tak ci inakš, dobra, što hetuju apieracyju zrabili, bo lekary kazali, što heta byŭ pieradynfarktny stan. Chaču padziakavać usim za malitvy, za vaš kłopat pra mianie, za pamiać. Niachaj dobry Boh błahasłavić, spadziajusia na chutkaje vyzdaraŭleńnie i spatkańnie ŭ kaściole, kala ałtara, na malitvie, na roznych festach — tam, dzie Boh dazvolić. Ščyry-ščyry dziakuj», — dadaŭ ijerarch.
Ciapier čytajuć
«Na takuju ch**niu paviałasia». Rasijanka pryjechała ź Sibiry ŭ Biełaruś i ciapier z maciukami raskazvaje, jak tut składana žyć30
Kamientary