Karystalniki Threads zaŭvažyli pamyłku ŭ biełaruskamoŭnaj viersii sajta fabryki «Kamunarka». U składzie praduktaŭ pobač z tłuščami i vuhlavodami była paznačana i kolkaść vaviorak u hramach.
Niedarečnuju pamyłku zaŭvažyŭ karystalnik _fudo_trueno_, jon zaklikaŭ fabryku ŭ sacsietkach «pierastać dadavać vaviorak u šakaład!». Na hety dopis źviarnuŭ uvahu homielski telehram-kanał «Silnyje novosti».
Biełarusy da pamyłki pastavilisia z humaram. U kamientarach pad pastom ludzi pišuć:
«Dy heta ž žorstkaje abychodžańnie z vaviorkami!»;
«Spačatku ŭ vaviorak adabrali arechi, a potym ich razam dadali ŭ šakaład»;
«Heta dadatkovy białok, vy ničoha nie razumiejecie!»;
«Dy ŭ ich tam paŭsiul vaviorki, u kožnym pradukcie) Kudy hladzić Ministerstva pryrody?»;
«Moža, nijakaj pamyłki niama? Z parkaŭ nočču prapadajuć vaviorki»;
«Mahli b i bolej «vaviorkaŭ» pakłaści, nu nasamreč».
Pradstaŭniki fabryki «Kamunarka» patłumačyli, što pamyłka čysta techničnaja, a na samich naborach cukierak pierakład zrobleny pravilna:
«Pamyłka druku, na jakuju źviarnuli ŭvahu, adlustroŭvajecca na sajcie (i tolki na sajcie) — heta techničnaja pamyłka, jakaja vyjaviłasia ŭ vyniku pracy aŭtamatyčnaha servisu pierakładaŭ. Na ŭsich upakoŭkach naboru cukierak «Žadaju Vam» pierakład całkam karektny. Praŭki na sajcie dla hetaha pradukta buduć uniesienyja ŭžo da kanca dnia».
I sapraŭdy, pamyłki na sajcie nieŭzabavie vypravili.
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary
Nu i voś da čaho my dajšli. Na biełaruskich pradpryjemstvach užo nie viedajuć biełaruskaje movy i karystajucca servisami pierakładaŭ kab pierakłaści z čužynskaha "iazyka" na rodnuju movu. I hledziačy pa adkazu Kamunarki - u ich navat ničoha nie pstrykaje ŭ hałavie kali pieršasnaja krynica etykietki biełaruskich praduktaŭ čamuści raptam na rasiejskaj, dla ich heta całkam narmalna, jany prosta "pamyłku vypraviać" u hetym kankrytnym vypadku, a potym dalej buduć z rasiejskaje pierakładać.