Minskaja kandytarskaja fabryka «Kamunarka» vypuściła novy vid šakaładu ź sieryi «Lubimaja Alonka». Ciapier u małočny šakaład dadali funduk, i na pradpryjemstvie ličać, što heta zrobić jaho smak jašče lepšym, piša Telegraf.news.
U skład novaha praduktu ŭvachodziać cukar, kakava-alej, zdrobnieny smažany funduk, kakava-ciortaje, suchija viarški i małako, emulhatar i naturalny vodar vanili. Pakul hety šakaład buduć pradavać tolki ŭ firmovych kramach, a cana jašče nie paviedamlajecca.
Apošnim časam fabryka aktyŭna pašyraje hetuju liniejku šakaładu. Akramia kłasičnaha varyjantu, užo jość šakaład z małočnaj načynkaj, ź piečyvam i z arachisam.
Hetaja marka viadzie svaju historyju jašče z savieckich časoŭ. U 1967 hodzie pačali vypuskać šakaład «Alonka», jaki vyrablali na roznych fabrykach va ŭsim Savieckim Sajuzie pa adnym recepcie. Paśla raspadu SSSR rasijskaja fabryka «Čyrvony Kastryčnik» zarehistravała pravy na nazvu i viadomy vobraz dziaŭčynki.
Kab paźbiehnuć sprečak, «Kamunarka» ŭ 1990‑ia hady pierajmienavała svoj šakaład u «Lubimaja Alonka» i źmianiła dyzajn upakoŭki. Zamiest realnaj dziaŭčynki tam źjaviŭsia namalavany piersanaž. Mienavita hety vobraz i staŭ paznavalnym dla pakupnikoŭ u Biełarusi.
«Šmat błandzinaŭ i smačny šakaład». Dziaŭčyna pieraličyła stereatypy pra Biełaruś — voś što joj adkazali
«Kamunarka» vypuściła śviatočnyja cukierki z šampanskim
Palmavy alej i hłazura zamiest šakaładu. Jak rasijskija cukierki vyciskajuć biełaruskija z palic kram
«Kamunarka» vypuściła cukierki dla mužčyn ź niečakanaj načynkaj
«Kamunarka» vypuściła anałah «kindaraŭ»
Kamientary