Alaksandr Rybak pakazaŭ svaju dziaŭčynu. Zdajecca, usio surjozna
Abrańnicaj pieramožcy «Jeŭrabačańnia-2009» stała opiernaja śpiavačka.
Zvyčajna 40‑hadovy Alaksandr Rybak nie raskazvaje pra svajo asabistaje žyćcio. Ale niadaŭna pryznaŭsia: jaho serca ŭžo nie volnaje.
Jašče ŭ lipieni śpiavak apublikavaŭ u instahramie fota sa svajakami dy blizkimi ludźmi. Na zdymku Alaksandr adnu ruku pakłaŭ na plačo pradziusara Tora Arne Ranhchusa, a druhoj piaščotna abdymaje pryhožuju dziaŭčynu — šviedskuju opiernuju śpiavačku Ebu Łejonkłu.
Jana, darečy, i raniej źjaŭlałasia ŭ jaho sacsietkach. U dzień naradžeńnia Eby artyst vyrašyŭ kančatkova rasstavić kropki nad «i» i pavinšavaŭ kachanuju z 30-hodździem. Jon apublikavaŭ videa sumiesnaha vystupleńnia i padpisaŭ: «Majoj darahoj dziaŭčynie, majoj muzyčnaj partniorcy i majoj najlepšaj siabroŭcy siońnia spoŭniłasia 30 hadoŭ. Hip-hip-ura dla Eby».
Eba Łejonkłu vystupaje na viadomych šviedskich scenach. Jana atrymała niekalki muzyčnych stypiendyj i ŭznaharod dla maładych opiernych vykanaŭcaŭ, u tym liku padtrymku fondu maładych talentaŭ Karaleŭskaj šviedskaj opiery. Z 2024 hoda Eba ŭvachodzić u vakalny ansambl pry Karaleŭskim pałacy ŭ Stakholmie.
Sioleta ŭ śpiavački davoli nasyčanaja prahrama: jana vystupaje na mierapryjemstvach, źviazanych z 80‑hodździem karala Šviecyi Karła XVI Hustava, a taksama z załatym viasiellem karala i karalevy.
Alaksandr Rybak raspavioŭ u intervju, što paznajomiŭsia z Ebaj u internecie — adbyłosia heta kala troch z pałovaj hadoŭ tamu. Potym jany sustrelisia ŭ Stakholmie i padčas pieršaha spatkańnia šmat razmaŭlali pra muzyku, a jašče śpiavali razam naŭprost na vulicy.
Ale ž tady, u 2022 hodzie, pary pryjšłosia žyć u roznych krainach — Alaksandr, u asnoŭnym, byŭ u ZŠA, Eba — u Šviecyi. Tamu adnosiny doŭhi čas byli na adlehłaści.
I tolki minułaj vosieńniu, kali Rybak viarnuŭsia ŭ Jeŭropu, jany kančatkova zrazumieli, što chočuć budavać ahulnuju budučyniu. Ciapier para žyvie ŭ Osła i Stakholmie, taksama ŭ ich jość domik u Intre-Eniebakie — ulubionaje miesca dla žyćcia i pracy.
Z zachapleńniem Alaksandr i Eba raspaviadajuć pra toje, jakija ŭ ich fantastyčnyja luboŭnyja dy prafiesijnyja adnosiny.
Rybak ža pryznajecca, što z 2015 hoda, kali apublikavaŭ dziciačuju knihu «Troli i čaroŭnaja fieja», maryŭ pra spakojnaje siamiejnaje žyćcio. Aboje artystaŭ chočuć dziaciej i ŭžo marać, jak tyja buduć raści ŭ domie, napoŭnienym kłasičnaj muzykaj. Vierać, što naščadki nie buduć pieraškadžać ich tvorčaści.
Pry hetym, adkazvajučy na pytańnie žurnalista pra šlub, Alaksandr tolki paśmichnuŭsia: «My nie žanatyja».
Sacsietki ŭ šoku, jak vyhladaje Alaksandr Rybak praz 17 hadoŭ paśla pieramohi na «Jeŭrabačańni»
Zatrymali dziaŭčynu, jakaja doŭhi čas stałkieryła Alaksandra Rybaka
«Jana pahražała mnie fizična, napadała seksualna». Alaksandr Rybak skardzicca na stałkierku
Pieramožca «Jeŭrabačańnia» Alaksandr Rybak aściarožna vykazaŭsia pra padziei ŭ Biełarusi
Ciapier čytajuć
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma14
Kamientary