Zatrymali dziaŭčynu, jakaja doŭhi čas stałkieryła Alaksandra Rybaka
Raniej pieramožca «Jeŭrabačańnia — 2009» Alaksandr Rybak skardziŭsia, što praz prablemy sa stałkierkaj jon byŭ vymušany pakinuć svoj dom u harach u Łos-Andželesie i viarnucca ŭ Narviehiju, jakuju ličyŭ bolš biaśpiečnaj dla siabie.
U 2023 hodzie ŭ tyktoku źjaviŭsia zvarot 25-hadovaj Jaŭhienii Skrypnik, jakaja abvinavačvała Rybaka ŭ tym, što jon źniaŭ intymnaje videa bieź jaje zhody i pahražaŭ jaho abnarodavać, a taksama nazyvaŭ jaje eskortnicaj. Pa słovach dziaŭčyny, jana paprasiła Rybaka vydalić videa i pavažać jaje kanfidencyjalnaść.
Śpiavak terminova adreahavaŭ i nazvaŭ abvinavačvańni chłuśnioj. Artyst charaktaryzavaŭ dziaŭčynu jak psichična chvoraha čałavieka i adznačaŭ, što doŭha nikomu nie raskazvaŭ pra situacyju, bo bajaŭsia, što jana moža nanieści škodu sabie ci kamu-niebudź jašče.
«Ale ciapier, kali jana pačała raspaŭsiudžvać pra mianie čutki ŭ tyktoku, mianie heta bolš nie chvaluje, ja nie mahu zastavacca na miescy. Hetaja žančyna była apantanaja mnoj bolš za hod, a z taho času, jak ja skazaŭ joj u studzieni «Kali łaska, pierastań sačyć za mnoj», usio stała značna horš», — napisaŭ śpiavak u instahramie.
Jon vykładaŭ videa z kamier biaśpieki, na jakich vidać dziaŭčynu ŭ vakolicach jaho doma.
Letaś artyst dzialiŭsia, što vyrašyć prablemu ź niepryjemnaj uvahaj nie atrymałasia.
— Ja sutyknuŭsia z manipulacyjami, pieraśledam, pahrozami vybuchu na maich kancertach, uzłomam maich akaŭntaŭ. Jana pieraśledavała mianie ŭ roznych štatach, pahražała mnie fizična, napadała na mianie seksualna, emacyjna, mientalna, stałkieryła maich susiedziaŭ.
Śpiavak taksama abvinavačvaŭ dziaŭčynu ŭ tym, što jana stvaryła tysiačy akaŭntaŭ, kab raspaŭsiudžvać pra jaho plotki, a taksama rabiła fejkavyja niudsy inšych žančyn. Alaksandr śćviardžaŭ, što nastojlivaja dziaŭčyna ihnaravała rašeńni suda, jakija zabaraniali joj nabližacca da artysta.
Praz toje, što stałkierka psavała taksama žyćcio jahonym siabram, kaleham, nastaŭnikam (asabliva tym, chto žyvie ŭ ZŠA), Alaksandr vyrašyŭ pakinuć svoj dom u harach u Łos-Andželesie i viarnuŭsia ŭ Narviehiju, jakuju ličyŭ bolš biaśpiečnaj dla siabie.
Učora pieramožca «Jeŭrabačańnia» napisaŭ u storys u instahramie: «Praz try hady teroru jaje narešcie aryštavali».
Telekanał Fox 11 Los Angeles paviedamiŭ, što pa abvinavačvańni ŭ stałkinhu palicyja zatrymała Jaŭhieniju Skrypnik, viadomuju taksama jak Džejn Skrypnik.
Svoj kamientar žurnalistam adnosna situacyi davała inšaja paciarpiełaja — artystka Lika O. Jana raspaviała, što Jaŭhienija dasłała bolš za 6000 listoŭ, u jakich abvinavačvała Liku O ŭ roznych złačynstvach — ad machlarstva da piedafilii.
Artystka pryviała adzin z prykładaŭ pieraśledu: paśla taho, jak časopis L.A. Magazine aśviatliŭ adzin ź jaje prajektaŭ, stałkierka pačała dasyłać u redakcyju falšyvyja abvinavačańni ŭ machlarstvie.
Razvažajučy ab matyvach Jaŭhienii, artystka adznačyła:
— Majo asabistaje adčuvańnie takoje: jana nienavidzić ludziej, jakija paśpiachovyja, pracavityja i niešta robiać u žyćci. Joj heta nie padabajecca. Jana choča prynizić usich, choča źniščyć žyćcio. Vidavočna tamu, što sama jana, chutčej za ŭsio, niaščasny čałaviek.
Alaksandr Rybak taksama apublikavaŭ spasyłku na navinu FBR pra zatrymańnie stałkierki i dadaŭ, što narešcie pačaŭ vieryć u spraviadlivaść u śviecie.
FBR paviedamiła, što 27-hadovaja Jaŭhienija Skrypnik 14 žniŭnia na papiarednim słuchańni zajaviła, što nie pryznaje siabie vinavataj. Fiederalny sudździa pastanaviŭ vyzvalić jaje pad zakład i pryznačyŭ pačatak suda na 7 kastryčnika.
U materyjałach spravy jość i inšyja prykłady taho, jak Jaŭhienija psavała žyćcio zorkam. Naprykład, 15 krasavika 2024 hoda jana napisała ŭ adzin z kinafiestyvalaŭ byccam by adzin z akcioraŭ seksualna damahaŭsia jaje. Jana taksama napisała šmat listoŭ z abvinavačvańniami hetaha čałavieka jahonym baćkam.
Ciapier čytajuć
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ2
Kamientary