Sabalenka ŭ Minsku vaziła žanicha na viačeru da babuli i na šašłyki da Maksima Mirnaha
Aryna Sabalenka padčas vizitu ŭ Minsk raskazała, čym jaje siamja karmiła žanicha Hieorhiosa Franhulisa i jak jon paznajomiŭsia ź jaje babulaj i mamaj.
Sabalenka niekalki dzion haściła ŭ rodnym horadzie, sumiaściŭšy adkryćcio kortaŭ svajho imia i treniroŭki pierad turniram u Taronta, piša «Kamsamolskaja praŭda».
«My pajedziem na viačeru da majoj babuli, i jana pryhatuje najlepšyja stravy, — skazała na padlocie da Minska Sabalenka ŭ intervju YouTube-kanału First&Red. — Sałaciki, miasa pa-francuzsku, kuračku… A majo najlubimiejšaje: naciorty časnakom padsmažany chleb z syram i pamidoram. Jašče ŭsie saleńni pakaštujem. A voś sieladziec pad šubaj paprasiła nie hatavać, bo my dzieści sprabavali i Hieorhiosu nie zajšło. Jon vielmi lubić hulaš… Voś jaho babula i zrobić».
Akramia taho, u płanach było i kałarytnaje zastolle z łaźniaj i šašłykami ŭ domie Maksima Mirnaha. Što da prahułak pa horadzie, a ŭ Minsku Franhulis ni razu nie byŭ, to Aryna abiacała prakacić jaho pa najpryhažejšych miescach i zajechać u Nacyjanalnuju biblijateku.
«Prajedziemsia pa horadzie, pahladzim pryhožyja miescy. Schodzim u biblijateku, ja, darečy, tam ni razu nie była», — pryznałasia Aryna.
Sabalenka skazała, što vizit dadomu byŭ zapłanavany na piać dzion i ŭsiaho nie paśpieć. Na pytańnie intervjujera, ci nie svataŭstvo heta, Aryna adkazała, što mama z Hieorhiosam znajomaja — jany bačylisia ŭ Hrecyi.
Uvohule, znosiny budučaha ziacia z budučaj cieščaj budujucca praz Arynu.
«U mianie nichto nie razmaŭlaje pa-anhlijsku, tamu znajomstva takoje — prosta pahladzieć na jaho ŭžyvuju. A ja pierakładaju toje, što liču patrebnym», — zasmajałasia Aryna.
Darečy, babula Aryny žyvie niedaloka ad aeraporta.
«Babula žyvie ŭ pasiołku Pryvolny (15 km ad MKAD. — Red.). Kali ja pryjazdžaju ŭ Minsk, to z aeraporta adrazu jedu da babuli, heta ŭsiaho tolki 20 chvilin šlachu. Potym da mamy i siabroŭ».
Sabalenka była rada vizitu dadomu.
«Kali ja prylataju ŭ Minsk, to adčuvaju, jakoje ŭ nas čystaje pavietra».
Jašče Aryna Sabalenka patłumačyła, čamu jaje kamanda składajecca ŭ asnoŭnym ź biełarusaŭ: «Ja niedavierlivaja i nie lublu, kali mnie kłaniajucca».
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary
[Zredahavana]