Aryna Sabalenka raskazała, jakaja aktorka mahła b syhrać jaje ŭ kino
U intervju prajektu First and Red tenisitka raskazała žurnalistu, što joj pastupili dźvie prapanovy źniacca ŭ kino
Šarliz Teran, fota Theo Wargo/WireImage
Adna prapanova tyčyłasia sumiesnaha prajekta pra tenis z udziełam aŭstralijskaj aktrysy i kamiedyjantki Rebieł Uiłsan.
«Ale zdymki byli b u Aŭstralii. I ŭsio roŭna jany zaniali b 2—3 miesiacy. Ja stolki času tam nie byvaju. Heta prosta fizična było b niemahčyma zrabić. Ale prapanova była, i ja vielmi chacieła», — raskazała pieršaja rakietka śvietu.
Žurnalist taksama pacikaviŭsia, chto moh by syhrać Arynu, kali b pra jaje źniali bijahrafičny film.
Spartsmienka nazvała imia ŭradženki Paŭdniovaj Afryki, 50‑hadovaj Šarliz Teran.
Šarliz Teran — zorka suśvietnaha kino, jana syhrała žonku hałoŭnaha hieroja Kijanu Ryŭza ŭ «Advakacie djabła», syhrała hałoŭnuju hierainiu ŭ ščymlivaj mieładramie «Sałodki listapad», dzie źniałasia taksama z Kijanu Ryŭzam.
Taksama źniałasia ŭ takich filmach, jak «Lehienda Banhiera Vansa», «Mahutny Džo Janh», «Žonka astranaŭta», «Monstr», za što atrymała «Oskar», detektyvie «Ciomnyja tajamnicy», «Varjacim Maksie», dvuch «Farsažach».
U «Adysiei» Nołana jana syhrała Kalipso.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ2
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach88
Kamientary