Sieuł patrabuje ad Kijeva vybačeńniaŭ za raskryćcio infarmacyi ab pieradačy Paŭdniovaj Karei vajennapałonnych z KNDR
Pra situacyju stała viadoma na minułym tydni.
Administracyja prezidenta Paŭdniovaj Karei zapatrabavała ad Ukrainy aficyjnych tłumačeńniaŭ i vybačeńniaŭ, abvinavaciŭšy Kijeŭ u raskryćci infarmacyi ab pieradačy Sieułu dvuch paŭnočnakarejskich vajennapałonnych, a taksama ŭ nastupnym admaŭleńni faktu damoŭlenaści ab kanfidencyjalnaści hetaha kroku, piša Bi-bi-si.
«Administracyja prezidenta vykazvaje hłybokaje škadavańnie ŭ suviazi z adnabakovym raskryćciom infarmacyi z boku Ukrainy i jaje nastupnaj iłžyvaj zajavaj ab tym, što pahadnieńnia ab nierazhałošvańni nie isnavała», — havorycca ŭ zajavie Son Hi Chona, staršaha sakratara prezidenta pa suviaziach z hramadskaściu, apublikavanaj u niadzielu.
Jon dadaŭ, što ŭrad razhladaje mahčymaść pryniaćcia dadatkovych mier u suviazi z hetaj situacyjaj, kali heta spatrebicca.
Pavodle jaho słoŭ, Kijeŭ nieadnarazova abmiarkoŭvaŭ ź Sieułam pytańnie ab pieradačy pałonnych pa roznych kanałach i nastojvaŭ na kanfidencyjalnaści, arhumientujučy heta tym, što publičnaje raskryćcio mahło b vyklikać krytyku va Ukrainie praz upuščanuju mahčymaść abmianiać paŭnočnakarejskich vajskoŭcaŭ na ŭkrainskich pałonnych.
Paŭdniovaja Kareja pahadziłasia zachavać fakt pieradačy ŭ tajamnicy, uličvajučy, jak zajaviŭ pradstaŭnik prezidenta krainy, mierkavańni biaśpieki, dypłamatyčnyja i humanitarnyja aśpiekty, u tym liku biaśpieku samich pałonnych i ich siemjaŭ.
Zhodna z zajavaj, Ukraina raskryła infarmacyju ab pieradačy padčas vystupleńnia prezidenta Uładzimira Zialenskaha na Hienieralnaj asamblei AAN, nie pravioŭšy papiarednich kansultacyj u naležnym abjomie, a zatym admaŭlała isnavańnie jakoj-niebudź damoŭlenaści ab kanfidencyjalnaści.
Sieuł papiaredziŭ, što toje, što adbyłosia, naniesła surjoznuju škodu davieru pamiž dvuma ŭradami i moža niehatyŭna paŭpłyvać na dvuchbakovyja adnosiny.
U sieradu, vystupajučy na Hienieralnaj asamblei AAN u Ńju-Jorku, Zialenski paviedamiŭ, što Ukraina niadaŭna pieradała Paŭdniovaj Karei dvuch paŭnočnakarejskich vajskoŭcaŭ, zachoplenych u pałon u Kurskaj vobłaści. Pra toje, što jany trapili ŭ pałon, ukrainski prezident paviedamiŭ u studzieni 2025 hoda.
Paŭnočnaja Kareja nakiravała tysiačy vajskoŭcaŭ dla padtrymki Rasii ŭ vajnie suprać Ukrainy paśla ŭkrainskaha ŭvarvańnia ŭ Kurskuju vobłaść.
U čaćvier prezident Paŭdniovaj Karei Li Čže Mion u rezkaj formie raskrytykavaŭ razhałošvańnie infarmacyi ab pieradačy vajennapałonnych.
«Pytańnie repatryjacyi paŭnočnakarejskich pałonnych vielmi dalikatnaje i maje surjoznyja nastupstvy dla dypłamatyi, nacyjanalnaj biaśpieki i situacyi na Karejskim paŭvostravie», — napisaŭ jon u sacyjalnaj sietcy X. Pavodle jaho słoŭ, tyja, chto vyrašyŭ «dziela samapijaru» nadać hetamu faktu ahałosku, nie ŭličyli «stan mižkarejskich adnosinaŭ», «čałaviečyja achviary» i «škodu nacyjanalnym intaresam», što «navat vyklikaje padazreńni».
U toj ža čas vydańnie Korea JoongAng Daily paviedamlała, što Kijeŭ zahadzia paviedamiŭ Sieułu pra toje, što Zialenski zhadaje dvuch paŭnočnakarejskich vajennapałonnych u svaim vystupleńni na Hienieralnaj asamblei AAN, niahledziačy na raniejšuju damoŭlenaść hetaha nie rabić.
«Ukrainski bok zahadzia prainfarmavaŭ nas i paprasiŭ pastavicca da hetaha z razumieńniem», — cytavała vydańnie zajavu pradstaŭnika administracyi prezidenta Paŭdniovaj Karei.
«Pa dypłamatyčnych kanałach my viedali pra mahčymaść taho, što ŭ vystupleńnie moža być uklučana infarmacyja ab repatryjacyi paŭnočnakarejskich pałonnych, — kazaŭ jon žurnalistam. — Adnak było niezrazumieła, u jakoj mienavita farmuloŭcy heta budzie padadziena».
«My dasiahnuli z Ukrainaj uzajemarazumieńnia adnosna taho, što hety praces budzie prachodzić u kanfidencyjalnym paradku, biez publičnaha raskryćcia», — padkreślivaŭ čynoŭnik.
Kamientary
A ŭkrainskaja ŭłada takuju padłu zrabiła joj. Što moža vyklikać vajnu na Karejskim paŭvostravie.
Pryčym u Paŭnočnaj Karei jość jadziernaja zbroja.
Hetaja vajna budzie nie takaja "travajadnaja" jak na terytoryi Ukrainy, kali na 1/10 terytoryi dronavaja vajna, ad jakoj možna pad sietkaj schavacca, a ŭ Kijevie kavu ŭ kaviarniach pjuć, a ŭ Lvovie pryhažuni sukienki z vyšyvankami vyhulvajuć kala bucikoŭ, a ŭ Adesie vypusknicy ŭ kupalnikach piennyja viečaryny na mory ładziać.
Dla Karei heta budzie jadziernaja vajna na ŭsioj terytoryi, Chirasima i Nahasaki. Tatalnaje źniščeńnie nasielnictva i zabrudžvańnie terytoryi radyjacyjaj.
Moža choć KNDR ź Jeŭropy prybiarecca, vidavočna dva fronty nie paciahnie. A Paŭdniovaja tančyki nie daje, rakiety, nie daje, vajennuju techniku nie daje, ad Paŭdniovaj karyści dla nas niama. Chaj lepš pytańnie z Paŭnočnaj vyrašać narešcie - ich braty ad hoładu puchnuć pad uładaj pialmieniaŭ, a jany ab čymści damaŭlacca sabralisia ź ludajedami. Trapiać pierad kimami, jak sabaka, što vysierajet piersikavuju kostačku. Hańba Sieułu hladzieć na hoład bratoŭ i kryŭdzicca na krainu, što znachodzicca ja za dziesiać tysiač kiłamietraŭ i zmahacca za svajo isnavańnie.