Biełarusy palujuć na birulki z vałoškami — šukajuć pa zapraŭkach, ale amal paŭsiul ich užo razabrali
U siecivie šalejuć ad birulek z vałoškami i zhuščonkaj. Biełarusy pieravoziać tyja birulki z adnaho horada ŭ inšy, a zamiežniki hatovyja zamaŭlać ich za tysiačy kiłamietraŭ.
Birulki, pra jakija idzie havorka, robić brescki brend mierča Vikowest. Akramia vałošak i zhuščonki, u liniejcy jość birulki z dranikami, zubram i busłom, ale mienavita vałoškavyja stali šalona papularnymi.
Hetamu trendu ŭsiaho niekalki dzion. Vyhladaje, što pačaŭsia jon padčas «Słavianskaha bazara», kali turysty nabyvali birulki jak suvieniry i vykładvali ich fota ŭ sieciva. Trendu paspryjaŭ i post błohierki govorko_taty, jakaja zrabiła padborku suvieniraŭ ź Biełarusi i pastaviła pieršym fota vyjavu tych samych birulek. Ciapier pad jaje pastom amal 300 kamientaroŭ.
Birulki znajści ŭžo tak składana, što na ich prosta palujuć. Ščaślivyja ŭładalniki pościać fota zdabyčy i raskazvajuć, dzie jaje znajšli:
«U zachapleńni ad hetych birulek. Viciebsk, Ratuša».
«Muž znajšoŭ u «Pieršym handlovym», u rahačoŭskaj kramie (2 pavierch)».
«Kali ŭ Minsku nie znajšła sa zhuščonkaj, ale mama nabyła hetyja birulki ŭ Viciebskaj vobłaści».
Tyja, chto nie taki žvavy, zastajucca bieź birulek. Biełaruska piša ŭ Threads, jak vyrašyła spytać pra birulki na zapraŭcy — niekatoryja ščaśliŭcy nabyvali ich na AZS «Biełarusnafty»:
«Zachodžu siońnia na zapraŭku i pytajusia, dzie ŭ ich suvienirnaja pradukcyja, navat nie paśpieła skazać słova «birulka». I mnie adrazu adkazvajuć: «Dziaŭčyna, birulek z vałoškami niama, ich užo razabrali».
Jość, adnak, i skarhi. Niekatoryja karystalniki, jakija nabyli birulki jašče da ažyjatažu, raskazvajuć, nibyta ź ich vielmi chutka ablataje farba. Tamu ŭładalnicy suvienira dzielacca sakretam — kab birulka daŭžej była pryhožaja, treba jaje pakryć łakam.
Dziakujučy Threads pra suvienir daviedalisia i za miežami Biełarusi. Jość kamientary, dzie karystalniki pytajucca pra dastaŭku birulek u Rasiju, Kazachstan i navat Stambuł, a taksama cikaviacca, ci jość jany na markietpłejsach.
Padobnyja birulki znajšlisia na Wildberries, voś tolki jany mocna adroźnivajucca ad aryhinała. Na birulcy z Wildberries niama pryhožaj vałoški, a banka sa zhuščonkaj zaŭvažna bolšaja, čym na bresckim suvieniry.
«Naša Niva» — bastyjon biełaruščyny
PADTRYMAĆCiapier čytajuć
Udava Mikity Miełkaziorava ŭpieršyniu publična raskazała pra noč jaho śmierci7
Udava Mikity Miełkaziorava ŭpieršyniu publična raskazała pra noč jaho śmierci
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary
Źviarnicie uvahu staleja " padletki" raniej zaraz kab pakazać źviarnuć uvahu niejkim čynam siabie paznačajuć..roznymi birulki Heta asensavana
Heta jak i padčas " 2020" = Ja Asoba Ja Biełarus Ja ni " oni"
Čamu zaraz taki šalony pośpiech
Ni pradajecca chata Matčyna Mova
Na Biełarusi Boh žyvie .
Heta taksama ..Ja My Biełaruś
Nima na što abapiercisia abirajecca naturalnaje svaje toje što u padśviadomaści i adrazu adčuvaješ hlebu moc spakoj
Jak i zvarot śpieŭ Mahutny Boža
Ja Biełaruś My Biełarusy da ciabie źviartajemsia " ni eliny ni ijudziei"
Biełaruś Biełarusy...Heta My
A Vy jakim čynam da Biełarusi ź jakoj " miascovaści"??? )))