Niekatoryja — sapraŭdny dalikates u Jeŭropie.
Viadomy hrybnik Alaksandr Harbacevič pakazaŭ siem vidaŭ lisičak ź biełaruskich lasoŭ.
Kab źniać hety kadr, jon rychtavaŭsia čatyry hady — abjeździŭ i abyšoŭ šmat miescaŭ, kab znajści, dzie rastuć hetyja hryby.
Pieršy vid — lisička žoŭtaja, zvyčajnaja. Ich viedajuć usie — mienavita hetyja lisički čaściej za ŭsio źbirajuć hrybniki.
Druhi vid — lisička blednaja. Vielmi padobnaja da žoŭtaj, ale śvietłaja-biełaja pa kolery, bolš masiŭnaja i bolš redkaja.
Treci vid — čyrvonaknižnaja čornaja lisička. «Ahułam u śviecie jaje šmat raście: na Kubani ŭ bieźlimitnych kolkaściach, u krainach Jeŭropy jaje vielmi lubiać, ceniać. U joj 30 latučych złučeńniaŭ navukoŭcy znajšli. I ŭ zaležnaści ad taho, jak jaje termična apracavać, roznyja smakavyja elemienty, tamu šef-kuchary jaje vielmi lubiać. U Anhlii heta «truba śmierci», a ŭ Francyi — «roh bahaćcia»», — raskazvaje Harbacevič.
Čaćviortaja — lisička žaŭciejučaja, vielmi redkaja. Jany rastuć na bałocie. Kali šmat daždžoŭ, ziamla budzie pad vadoj, lisički nie ŭzyduć. Ale i kali zasucha — taksama. «U Biełarusi adno miesca, dzie jany rastuć. Dadać u Čyrvonuju knihu nieadkładna — heta samy redki vid», — kaža hrybnik.
Piaty vid — lisička trubčastaja. «Heta poźni vid, paŭnočny, hałoŭny hryb Finlandyi», — adznačaje hrybnik. U adroźnieńnie ad lisički žaŭciejučaj, u ich bolš žoŭtyja nožki, pruhkaja kansistencyja, smak macniejšy.
Šosty i taksama vielmi redki vid — lisička bułavapadobnaja. Fijaletava-sirenievaha koleru, mohuć vyrastać da 14 santymietraŭ u vyšyniu i da 10 santymietraŭ u šyryniu.
I siomy vid — lisička iłžyvaja, ci havaruška aranžavaja. Pad šapkaj hryb ružavataha adcieńnia, źvierchu šapka śvietłaja. Heta jadomyja hryby, kali advaryć.
Alaksandr dadaje, što ŭ kadr nie trapili jašče dva vidy lisičak, jakija jość u Biełarusi. Heta lisička šeraja (jana znachodzicca ŭ Čyrvonaj knizie, Alaksandr nikoli nie bačyŭ hety vid) i ružovaja lisička.
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta5
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
Eto voronočnik rožkovidnyj.
Nie putajtie ludiej.