Ludzi zaśpiavali «Pahoniu» i prajšlisia maršam pa horadzie.
U Vilni prajšła akcyja da hadaviny narodnaha ŭzdymu 9 žniŭnia 2020 hoda.
Biełarusy sabralisia na Kafiedralnaj płoščy i razharnuli vializny bieł-čyrvona-bieły ściah, piša «Salidarnaść».
Pierad prysutnymi vystupili byłyja palitźniavolenyja, pradstaŭniki dyjaspary, hramadskija aktyvisty. A taksama muzyki — chor Pra.Dziva, Jury Stylski.
Na płoščy raźmiaścili halereju z partretami palitźniavolenych.
Na akcyju sabrałasia bolš za sto čałaviek.
Razam z choram ludzi zaśpiavali «Pahoniu».
Udzielniki taksama zładzili vializny karahod. A paśla vypravilisia ŭ šeście pa horadzie.
«Marš hodnaści» dajšoŭ da ambasady Biełarusi. Udzielniki ŭšanavali chvilinaj maŭčańnia achviar režymu i biełaruskich dobraachvotnikaŭ, jakija zahinuli va Ukrainie.
Kamientary
Jak nazvu vymaŭlu tvaju:
Litva! Pa ŭsioj ziamli staju
Ja na śviatych tvaich pahorkach.
Dziela čaho ŭva mnie ty budziš
Nadzieju hołasam kryvi?
Litva! Ty ŭžo była? Ty budzieš?
Kali žyvaja, dyk žyvi!
U. Niaklajeŭ. "Pałanez" (uryvak).