NPZ u Orsku paśla ŭkrainskich udaraŭ całkam spynieny, ramont moža zaniać paŭhoda
Na Orskim NPZ u Arenburhskaj vobłaści paśla niadaŭniaha ŭdaru ŭkrainskich bieśpiłotnikaŭ całkam spynili pracu. Ramont moža zaniać paŭhoda. Pra heta 13 žniŭnia paviedamiŭ hubiernatar Arenburhskaj vobłaści Jaŭhien Sołncaŭ.
Pavodle słoŭ arenburhskaha hubiernatara, u vyniku ataki byli paškodžanyja važnyja abjekty infrastruktury zavoda. Adnavić ich pakul niemahčyma. Dadatkovaj prablemaj stała toje, što na pradpryjemstvie vykarystoŭvajecca impartnaje abstalavańnie, zamiena jakoha va ŭmovach mižnarodnych sankcyj moža być vielmi składanaj.
Sołncaŭ zajaviŭ, što ramont moža praciahvacca da šaści miesiacaŭ. Rehijon, pavodle jaho słoŭ, rychtujecca da najhoršaha scenaryja.
Na hety čas Arenburhskaj vobłaści daviadziecca pavialičyć pastaŭki paliva ź inšych rehijonaŭ. Ułady ŭžo pierabudoŭvajuć łahistyku. Z 287 aŭtazapravačnych stancyj u rehijonie pracujuć kala 80%. U pryjarytecie pry zabieśpiačeńni palivam znachodzicca śpiecyjalny transpart.
Hubiernatar pryznaŭ, što situacyja na zapraŭkach zastajecca niaprostaj, adnak pakul jaje ŭdajecca kantralavać.
NPZ «Orsknaftaarhsintez» byŭ atakavany bieśpiłotnikami ŭ noč na 11 žniŭnia. Ukrainskija manitorynhavyja kanały paviedamlali, što na pradpryjemstvie mahła być paškodžanaja ŭstanoŭka pieršasnaj pierapracoŭki nafty.
U apošnija miesiacy ŭ Rasii rehularna adbyvajucca ataki na pradpryjemstvy naftavaj haliny. Na hetym fonie ŭ krainie ŭźnikli prablemy z zabieśpiačeńniem palivam: rastuć ceny na bienzin, u niekatorych rehijonach nazirajecca jaho deficyt, a na aŭtazapraŭkach utvarajucca doŭhija čerhi.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary