Źjaviłasia hrafika, jakaja pakazvaje, kolki času Rasija biespakarana biła pa cyvilnych składach Ukrainy, kali taja nie adkazvała
«Ukraina sama vypuściła džyna z butelki», — zajaviŭ Pucin. Błohierski prajekt, WarTranslated, jaki stavić svajoj metaj «archivavańnie vajny va Ukrainie», apublikavaŭ hrafiku ŭdaraŭ pa łahistyčnych abjektach Rasii i Ukrainy. Hrafika pakazvaje, što Rasija bolš za try hady sistematyčna biła pa cyvilnych składach, terminałach i sartavalnych centrach Ukrainy, ale tolki ŭ lipieni 2026 hoda padobnyja abjekty ŭ Rasii ŭpieršyniu stali rehularnymi celami ŭkrainskich udaraŭ.
Hrafika nahladna pakazvaje źmianieńnie charaktaru ŭdaraŭ pa hramadzianskaj łahistyčnaj infrastruktury padčas vajny.
Źleva — chranałohija rasijskich udaraŭ pa ŭkrainskaj składskoj infrastruktury pačynajučy z 28 lutaha 2022 hoda.
Sprava — chranałohija ŭkrainskich udaraŭ pa rasijskaj składskoj infrastruktury.
Rasija pačała bić pa cyvilnaj łahistycy Ukrainy praktyčna ź pieršych dzion poŭnamaštabnaj vajny. Pieršy adznačany ŭ hraficy ŭdar — pa składzie «Epicentra» ŭ Čarnihavie 28 lutaha 2022 hoda. Užo ŭ sakaviku byli Buča i Maryupal.
Za nastupnyja hady ŭ śpisie rehularna źjaŭlajucca składy i handlovyja centry «Epicentr», adździaleńni i terminały «Novaj pošty», sartavalnyja centry, składy i łahistyčnyja vuzły.
Heta značyć, udary pa cyvilnaj łahistycy va Ukrainie byli nie adzinkavymi epizodami, a sistematyčnaj praktykaj na praciahu ŭsioj vajny.
Asabliva prykmietnaja kancentracyja rasijskich udaraŭ u 2026 hodzie. Tolki z kanca maja da pačatku lipienia hrafika fiksuje cełuju sieryju ŭdaraŭ pa abjektach «Novaj pošty» ŭ Dniapry, Charkavie, Sumach, Kijevie, Čarnihavie i inšych haradach. Z 31 maja hetaha hoda, za miesiac ź liškam, Rasija naniesła dzieviać udaraŭ pa ŭkrainskich składach, to-bok u siarednim bili dvojčy na tydzień. I tolki 18 lipienia 2026 hoda Ukraina ŭpieršyniu ŭdaryła pa Wildberries.
Tolki praz amal try z pałovaj hady nazirajecca rezkaje źmianieńnie intensiŭnaści ŭdaraŭ. Łahistyčnaja vajna stanovicca dvuchbakovaj. Ukraina atrymała mahčymaść abo pryniała rašeńnie sistematyčna nanosić udary pa łahistyčnaj infrastruktury na rasijskaj terytoryi.
23 žniŭnia Uładzimir Pucin zajaviŭ, što «Ukraina sama vypuściła džyna z butelki», pačaŭšy ŭdary pa rasijskich abjektach i łahistycy. Apublikavanaja hrafika pakazvaje, što heta zusim nie tak.
-
Junak z Buracii try hady maryŭ vajavać va Ukrainie. Padpisaŭ kantrakt na nastupny dzień paśla 18‑hodździa — i praz dva miesiacy zahinuŭ
-
Donald Tusk dapuskaje pramyja rasijskija ŭdary pa terytoryi Polščy ŭ najbližejšy čas
-
U čas udaru pa ŭkrainskim pamiežnym pierachodzie tam byli jeŭrapiejskija daradcy pa biaśpiecy i Borys Džonsan
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
S ijula 2022 hoda eto stało diełať słožnieje, pošło i prišło PVO SŠA i NATO, s diekabria 2024 hoda postavki PVO (osobienno pieriechvatčikov) načali nieukłonno śnižaťsia, błahodaria staranijam druha vładimira s familijej tramp i duchu Ankoridža, pośle načała vojennoj avantiury trampa v Iranie, postavki pieriechvatčikov priekratiliś połnosťju.
Tiepieŕ skriebut po vsiemu miru na składach.
Vychodov dva - kapitulirovať na usłovijach Rośsii ili nanosiť takije žie, takoj žie siły, udary po Rośsii.