Na Biełaruskaj čyhuncy nie chapaje vahonaŭ-płatformaŭ. Pryčyna — vajskovyja pieravozki
Častku vahonaŭ zadziejničali pad vučeńni, ale heta nie tłumačyć deficyt.
U kancy žniŭnia 2026 hoda na Biełaruskaj čyhuncy zdaryŭsia niedachop parožnich spraŭnych univiersalnych vahonaŭ-płatform z naściłam padłohi, dastupnych dla padačy pad pahruzku. Pavodle infarmacyi Supolnaści čyhunačnikaŭ Biełarusi, častka płatform vydzielena pad vykanańnie vajskovych zajavak albo zareziervavana dla najbližejšych adpravak. Praz heta astatnija hruzaadpraŭščyki atrymlivajuć mienš vahonaŭ abo vymušanyja čakać ich padačy.
Dakładnaja kolkaść zadziejničanych vahonaŭ, stancyi pahruzki, skład ešałonaŭ i maršruty nieviadomyja.
Pa časie niedachop płatform supaŭ z praviadzieńniem čarhovaha mierapryjemstva bajavoj padrychtoŭki. Z 25 žniŭnia pa 10 vieraśnia Uzbrojenyja siły Biełarusi pravodziać apieratyŭna-taktyčnaje vučeńnie z rodami vojskaŭ VPS i vojskaŭ PVA. Druhi etap musić prajści na rasijskim palihonie Ašułuk, dzie zapłanavany bajavyja strelby avijacyjnych i zienitnych rakietnych padraździaleńniaŭ.
Ale adpraŭki na Ašułuk tłumačać tolki nievialikuju častku ciapierašniaj patreby ŭ płatformach i nie źjaŭlajucca pryčynaj uźnikłaha deficytu, adznačajuć aktyvisty. Astatnija vahony vydzieleny pad inšyja biahučyja albo budučyja vajskovyja zajaŭki.
Uzbrajeńnie i vajennuju techniku ŭ ešałonach pieravoziać hałoŭnym čynam na vahonach-płatformach. Na ich hruziać tanki, bajavyja mašyny piachoty, braniatransparciory, samachodnyja artyleryjskija ŭstanoŭki, inžyniernyja mašyny i aŭtamabilnuju techniku. Asabovy skład, majomaść, bojeprypasy i paliŭna-zmazačnyja materyjały pieravoziacca ŭ vahonach inšych typaŭ. Vahony z vybuchovymi materyjałami staviać u sastaŭ z vykanańniem ustanoŭlenych norm prykryćcia; u jakaści vahonaŭ prykryćcia mohuć vykarystoŭvacca parožnija vahony albo vahony ź biaśpiečnymi hruzami.
Padobny deficyt fiksavaŭsia ŭ vieraśni 2021 hoda padčas vučeńniaŭ «Zachad-2021» — tady čyhunka adkryta admaŭlała pradpryjemstvam praz «dziaržaŭnuju zamovu pa pytańniach nacbiaśpieki».
Pry hetym prykmiet pierakidańnia, supastaŭnaha pa maštabie sa studzieniem-lutym 2022 hoda (napiaredadni ŭvarvańnia va Ukrainu), u najaŭnych dadzienych niama. Niama prykmietaŭ masavaha prybyćcia rasijskich padraździaleńniaŭ ci nazapašvańnia ešałonaŭ, zafiksavany tolki sam fakt niedachopu płatformaŭ.
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary
Kuda propali płatformy, počiemu i začiem ?
Z pačatku vajny BČ zahruziłasia na 150%, pad ciahnikami až masty łomiacca. Ekanomika RB usia pracuje na front, na pieramohu "bratniaha rasiejskaha narodu".