«Kapitan skoknuŭ pieršym». Pasažyry paroma, jaki zatanuŭ kala Kipra, abvinavacili ekipaž va ŭciokach
Acalełyja pasažyry paroma Filojet, jaki zatanuŭ kala bierahoŭ Kipra, abvinavacili kapitana i ekipaž u tym, što tyja pakinuli sudna adnymi ź pieršych, kinuŭšy ludziej biez dapamohi, piša BILD. U vyniku katastrofy zahinuli jak minimum vosiem čałaviek, jašče 18 ličacca źnikłymi bieź viestak.
«Sudna pačało mocna razhojdvacca. Potym unutr pajšła vada», — raspavioŭ adzin z pasažyraŭ.
Pavodle jaho słoŭ, piersanał spačatku ničoha nie rabiŭ, a kapitan zapeŭnivaŭ ludziej, što «ničoha nie zdarycca». Paśla hučnaha vybuchu ekipaž, pavodle słoŭ vidavočcaŭ, kinuŭsia da vychadu.
«Jany adrazu vybiehli i pakinuli ludziej unutry. Pradaviec biletaŭ jašče kryčaŭ: «Biažycie, my zaraz patoniem!»» — dadaŭ mužčyna.
Inšyja pasažyry taksama apisvajuć paniku na borcie.
Pavodle ich słoŭ, paśla taho jak raźbilisia vokny, vada rezka chłynuła ŭnutr, dzieci i pažyłyja žančyny apynulisia zacisnutymi pamiž siadzieńniami, a ratavalnych kamizelek nie chapała.
«Kapitan skoknuŭ pieršym, ničoha nie arhanizavaŭšy», — zajaviŭ jašče adzin z tych, chto vyžyŭ, ahienctvu AFP.
Bolš za 250 čałaviek udałosia vyratavać. Sam parom zaraz lažyć na hłybini kala 500 mietraŭ.
Kapitan i členy ekipaža zatrymanyja, ich dziejańni rasśledujuć. Urad Paŭnočnaha Kipra paabiacaŭ ustanavić usie abstaviny trahiedyi.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?13
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary