«Капітан скокнуў першым». Пасажыры парома, які затануў каля Кіпра, абвінавацілі экіпаж ва ўцёках
Ацалелыя пасажыры парома Filojet, які затануў каля берагоў Кіпра, абвінавацілі капітана і экіпаж у тым, што тыя пакінулі судна аднымі з першых, кінуўшы людзей без дапамогі, піша BILD. У выніку катастрофы загінулі як мінімум восем чалавек, яшчэ 18 лічацца зніклымі без вестак.
«Судна пачало моцна разгойдвацца. Потым унутр пайшла вада», — распавёў адзін з пасажыраў.
Паводле яго слоў, персанал спачатку нічога не рабіў, а капітан запэўніваў людзей, што «нічога не здарыцца». Пасля гучнага выбуху экіпаж, паводле слоў відавочцаў, кінуўся да выхаду.
«Яны адразу выбеглі і пакінулі людзей унутры. Прадавец білетаў яшчэ крычаў: «Бяжыце, мы зараз патонем!»» — дадаў мужчына.
Іншыя пасажыры таксама апісваюць паніку на борце.
Паводле іх слоў, пасля таго як разбіліся вокны, вада рэзка хлынула ўнутр, дзеці і пажылыя жанчыны апынуліся заціснутымі паміж сядзеннямі, а ратавальных камізэлек не хапала.
«Капітан скокнуў першым, нічога не арганізаваўшы», — заявіў яшчэ адзін з тых, хто выжыў, агенцтву AFP.
Больш за 250 чалавек удалося выратаваць. Сам паром зараз ляжыць на глыбіні каля 500 метраў.
Капітан і члены экіпажа затрыманыя, іх дзеянні расследуюць. Урад Паўночнага Кіпра паабяцаў устанавіць усе абставіны трагедыі.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску22
Каментары