Cykłon «Vilja» pryniasie ŭ Biełaruś štarmavy viecier i mocnyja daždžy
Subota, 5 vieraśnia, u Biełarusi budzie vietranaj i daždžlivaj. Biełhidramiet abviaściŭ na hety dzień aranžavy ŭzrovień niebiaśpieki praz mocny viecier i apadki.
Na bolšaj častcy terytoryi krainy čakajucca zachodnija paryvy vietru da 15—20 m/s, a ŭnačy miescami — da 21—24 m/s. U paŭnočnaj pałovie Biełarusi nočču projduć mocnyja daždžy. Niespryjalnaje nadvorje zakranie ŭsie vobłaści krainy i Minsk.
Pavodle mietearałahičnych prahnozaŭ, pryčynaj takoha nadvorja stanie štarmavy cykłon VILJA («Vilja»), jaki ruchajecca z poŭdnia Vialikabrytanii. Kančatkova sfarmavaŭšysia nad Bałtyjskim moram, unačy jaho centr pieramieścicca z boku Litvy ŭ Viciebskuju vobłaść.
Dniom cykłon budzie ruchacca dalej na jeŭrapiejskuju terytoryju Rasii, a Biełaruś apyniecca ŭ jaho tyłavoj častcy. Tamu paśla prachodžańnia asnoŭnaj zony apadkaŭ zachavajecca mocny zachodni viecier, mahčymyja karotkačasovyja daždžy i navalnicy. Na poŭnačy krainy nie vyklučajucca asabliva mahutnyja navalničnyja jačejki.
Mienš apadkaŭ prahnazujecca na poŭdni Biełarusi. Tempieratura pavietra ŭdzień składzie ad +16 hradusaŭ na poŭnačy da +24 na paŭdniovym uschodzie. U Minsku budzie kala +18…+20 hradusaŭ.
Takim čynam, 5 vieraśnia biełarusam varta być asabliva aściarožnymi na vulicy z-za mocnaha vietru, daždžoŭ i mahčymych navalnic.
Kamientary