Śpiecpasłańniki prezidenta ZŠA Donalda Trampa Styvien Uitkaf i Džared Kušnier mohuć u najbližejšyja vychadnyja naviedać Maskvu i Kijeŭ, kab praciahnuć pieramovy ab spynieńni vajny Rasii suprać Ukrainy.
Pavodle infarmacyi rasijskaha dziaržaŭnaha ahienctva TASS, Uitkaf i Kušnier płanujuć pryjechać u Maskvu ŭ subotu, 5 vieraśnia, a ŭ niadzielu, 6 vieraśnia, adpravicca ŭ Kijeŭ. Pra mahčymy vizit taksama paviedamiŭ deputat Viarchoŭnaj Rady Ukrainy Alaksiej Hančarenka.
Adnak pajezdka amierykanskich pradstaŭnikoŭ u Kijeŭ pakul nie paćvierdžanaja. Vydańnie Kyiv Independent sa spasyłkaj na svaju krynicu paviedamiła, što Uitkaf nibyta pačaŭ aścierahacca vizitu z-za rasijskich abstrełaŭ ukrainskaj stalicy. Razhladajucca i inšyja varyjanty praviadzieńnia sustrečy.
Raniej Uładzimir Zialenski kazaŭ, što pradstaŭniki Trampa paćvierdzili mahčymaść svajho pryjezdu va Ukrainu.
U apošnija dni Rasija praciahvaje atakavać Kijeŭ i Kijeŭskuju vobłaść rakietami i reaktyŭnymi bieśpiłotnikami. U vyniku abstrełaŭ jość zahinułyja i paranienyja, nanosiacca paškodžańni žyłym damam i cyvilnaj infrastruktury.
Ranicaj 4 vieraśnia ŭkrainskija ŚMI paviedamili pra ŭdar rasijskaha bieśpiłotnika pa aeradromie «Žulany» pad Kijevam. Akramia taho, u Bravarach paśla rasijskaj ataki zaharełasia terytoryja pramysłovaha pradpryjemstva, a horad nakryŭ dym.
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary
Ukrajinci nie bačať nijakoji koristi vid cich potajemnich podorožiej bojahuziv.