26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»
Piatra Asipienku, jaki pracavaŭ u struktury sudovych ekśpiertyz i na apieratyŭnaj mytni, kinuli za kraty na hihancki termin pavodle palityčnych artykułaŭ.
Piatro Asipienka naradziŭsia 18 listapada 1999 hoda ŭ Minsku. Skončyŭ Biełaruski dziaržaŭny ŭniviersitet.
Jašče padčas vučoby, u 2018—2019 hadach, Piatro padpracoŭvaŭ u handlovaj sietcy «Santa Rytejł».
Sa žniŭnia 2021 hoda, pa źviestkach «Kibierpartyzanaŭ», jon pracavaŭ va ŭpraŭleńni Dziaržaŭnaha kamiteta sudovych ekśpiertyz pa Minsku. A sa žniŭnia 2022 hoda značyŭsia supracoŭnikam apieratyŭnaj mytni.
Heta adno z najbolš zakrytych i ŭpłyvovych padraździaleńniaŭ u sistemie mytni, stvoranaje dla baraćby z kantrabandaj, šerymi schiemami i vyšuku parušalnikaŭ nie na kankretnych pamiežnych punktach, a na ŭsioj terytoryi Biełarusi. Viedamstva nadzielenaje šyrokimi paŭnamoctvami: jaho supracoŭniki pravodziać apieratyŭna-vyšukovuju dziejnaść, vykonvajuć funkcyi orhana daznańnia, viaduć rasśledavańni i majuć ułasnyja mabilnyja siłavyja hrupy dla zatrymańniaŭ.
Suprać minčuka raspačali spravu adrazu pavodle troch artykułaŭ: č. 1 art. 342 (aktyŭny ŭdzieł u dziejańniach, jakija hruba parušajuć hramadski paradak), č. 1 art. 368 (abraza Łukašenki) i č. 2 art. 356 (zdrada dziaržavie). Sutnaść abvinavačańniaŭ nieviadomaja, ale heta nabor artykułaŭ, jaki zvyčajna vykarystoŭvajecca dla pieraśledu ludziej za palityčnyja pohlady i ŭdzieł u vystupach za demakratyju i suprać falsifikacyi vybaraŭ u 2020-m.
Sud pryznačyŭ jamu žorstkaje pakarańnie — 16 hadoŭ pazbaŭleńnia voli ŭ kałonii va ŭmovach uzmocnienaha režymu.
Pryčym Piatra dahetul utrymlivajuć u śledčym izalatary Kamiteta dziaržaŭnaj biaśpieki. Biełaruskija pravaabaroncy pryznali Asipienku palityčnym źniavolenym.
«Naša Niva» — bastyjon biełaruščyny
PADTRYMAĆPieršaha namieśnika hiendyrektara «Biełviesta» pasadzili na try z pałovaj hady za palityku
Redaktarku dziaržaŭnaha vydaviectva asudzili za «sadziejničańnie ekstremisckaj dziejnaści»
24‑hadovaha chłopca z Asipovičaŭ, jaki chacieŭ uvajści ŭ IT, asudzili pa palityčnym artykule, choć jon ničoha nie zrabiŭ
Ciapier čytajuć
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary
Kak tolko, čto-to, prosačivajetsia naružu, ob schiematozie viencienosnoho siemiejstva, tak srazu nachodiat ekstriemizm, tierrorizm i iźmienu hosudarstvu ( v riealijach uzakoniennoho biezzakonija švieda-łukašienko, stojaŝieho na zaŝitie schiematoza łukašienok, iźmienu im i jemu).
Zubami uciepiliś, za vłasť i finansovyje potoki, i im nie važno skolko budiet ubito i posažieno biełarusov...