«Nie razumieju, navošta heta rablu». Biełarusu ŭ Kitai pryjšłosia nadzimać zakołatuju śvińniu ručnoj pompaj

Biełaruska Nastaśsia (viadomaja ŭ Kitai pad imiem Namej) u 2020 hodzie vyjšła zamuž za žychara kitajskaj pravincyi Chunań i zastałasia tam žyć. Ich para ŭ svoj čas stała papularnaj u kitajskich sacyjalnych sietkach dziakujučy zdymkam ź viasiella, na jakich zaŭvažna istotnaja roźnica ŭ roście. Rost Nastaśsi — 176 sm, u toj čas jak jaje muža — 158 sm.

Pavialičyć

Na kanale ŭ jutubie internacyjanalnaja siamja niadaŭna apublikavała videa ź vizitu ŭ Kitaj baćki Nastaśsi, jaki vyrašyŭ dapamahčy miascovym svajakam z zabojem śvińni.

Siamja pryjechała na fiermu, dzie vyroščvajuć čornych śviniej. Jany papularnyja ŭ hetaj častcy Kitaja — śviniej trymajuć amal dva hady, pakul jany nie dasiahnuć masy 200—250 kh (u Biełarusi ž pieravažajuć biełyja parody śviniej, jakich hadujuć kala hoda da vahi 160 kh). Pry hetym skład kormu — bulba i muka — akazaŭsia praktyčna takim ža, jak u Biełarusi.

Asablivaj ciažkaściu stała pahruzka vybranaj žyvioły. Na videa bačna, jak niekalki mužčyn, uklučajučy baćku Nastaśsi, sprabujuć zaciahnuć masiŭnuju śvińniu ŭ kletku na pryčepie. Paśla napružanaj baraćby śvińniu ŭsio ž udałosia zahruzić i dastavić da miesca zaboju.

Jak zakałoli, pačaŭsia etap, jaki vyklikaŭ u biełaruskaha hościa najbolšaje ździŭleńnie, — napampoŭvańnie tušy pavietram pry dapamozie pompy, jakoj koły kačajuć.

«A navošta? Dla čaho? Nie razumieju», — pytajecca mužčyna.

Jamu žartam tłumačać, što heta dla taho, kab žyvioła padavałasia bolšaj. Nasamreč pavietra naciahvaje skuru, što dapamahaje lahčej i chutčej vydalić hruboje čornaje ščacińnie.

Na hetym adroźnieńni ŭ technałohii nie zakančvajucca. Zamiest zvykłaha biełarusu smaleńnia ahniom kitajcy vykarystoŭvali haračuju vadu i skrabki. Baćka Nastaśsi aktyŭna dapamahaŭ čyścić skuru, adznačajučy, što doma dla hetaha vykarystoŭvali b kasu.

Nastupnym krokam stała padrychtoŭka da raździełki. Tušu pryviazali za zadnija nohi da zvyčajnych draŭlanych drabin, a zatym razam ź imi pastavili starčma, prychinuŭšy da ściany.

Pavialičyć

U pracesie razboru aktyŭny ŭdzieł braŭ i baćka Nastaśsi. Pavodle słoŭ mužčyny, hetaja praca jamu dobra znajomaja: za svajo žyćcio jon zakałoŭ i razabraŭ dva dziasiatki kabanoŭ.

«Hałoŭnaje — nie prarezać kišak, kab nie było pachu», — kamientavaŭ jon praces.

U finale biełarus, vycirajučy ruki, pryniuchaŭsia da śviežaniny:

«Jana ničym nie pachnie. Heta śviedčyć pra toje, što miasa i sała vielmi smačnyja, [bo žyvioła] adkormlenaja naturalnym praduktam».

• 8
• 1
• 3
• 5
• 2
• 0
• 3
• 0