Stała viadoma, chto moža kupić «Lestu» — byłoje padraździaleńnie Wargaming
Heta syn miljardera i asnoŭnaha akcyjaniera «Urałchima» Dźmitryja Maziepina — były honščyk Mikita Maziepin.
Były piłot «Formuły-1» i biznesmien Mikita Maziepin blizki da kupli bujnoj hulniavoj kampanii «Lesta Hulni», jakaja vydaje papularnyja hulni «Śviet tankaŭ» i «Śviet karabloŭ». Pa danych Forbes, ździełka znachodzicca na finalnaj stadyi — bakam zastałosia tolki ŭzhadnić vynikovuju canu, jakaja, pa acenkach ekśpiertaŭ, moža skłaści kala 356‑416 miljonaŭ dalaraŭ, piša Office Life.
Da 2022 hoda studyja «Lesta» była daččynym padraździaleńniem biełaruskaj kampanii Wargaming. Paśla sychodu apošniaj z rynkaŭ Biełarusi i Rasii studyja adździaliłasia i pierajšła pad kantrol miascovaha mieniedžmientu. U pačatku červienia 2025 hoda dziejnaść zasnavalnikaŭ hrupy kampanij «Lesta» ŭ Rasii pryznali ekstremisckaj, aktyvy byli nacyjanalizavanyja i pierajšli Rasmajomaści.
U kampanii zachavaŭsia ofis u Biełarusi.
Baćka patencyjnaha pakupnika — miljarder, asnoŭny akcyjanier «Urałchima» i eks-suŭłaśnik «Urałkalija» Dźmitryj Maziepin — rodam ź Minska, tut žyvuć jahonyja svajaki. Naraŭnie z hetym jon maje daŭnija dziełavyja suviazi ź Biełaruśsiu. Hetym letam Maziepin-starejšy naviedvaŭ Minsk i sustrakaŭsia z Alaksandram Łukašenkam.
Dla 27‑hadovaha Mikity Maziepina, jaki paśla zaviaršeńnia spartyŭnaj karjery sfakusavaŭsia na inviestycyjach u fintech i IT, kupla «Lesty» stanie najbujniejšym profilnym aktyvam.
Niadaŭna namieśnik ministra finansaŭ Rasii Alaksiej Maisiejeŭ anansavaŭ «vielmi darahi» prodaž «Lesty» «zacikaŭlenamu inviestaru».
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary