Pradstaŭniki turapieratara raspaviali, što sapraŭdy «ŭčora słužba biaśpieki kampanii zafiksavała niesankcyjanavanuju aktyŭnaść u adnosinach asobnych veb-resursaŭ».
Tez Tour prakamientavaŭ situacyju z uzłomam sajta, piša Office Life.
Pradstaŭniki turapieratara raspaviali, što sapraŭdy «ŭčora słužba biaśpieki kampanii zafiksavała niesankcyjanavanuju aktyŭnaść u adnosinach asobnych veb-resursaŭ».
U najbližejšy čas dla našych partnioraŭ budzie adnoŭleny dostup da pracoŭnych servisaŭ, uklučajučy sistemu padboru turaŭ i asabistyja kabiniety.
Kamiercyjny dyrektar turapieratara Vaskan Arzumanaŭ zapeŭniŭ, što prykmiet uciečki hetych turystaŭ i partnioraŭ nie vyjaŭlena.
Učora źjaviłasia infarmacyja, što sajt Tez Tour uzłamany. Chakiery śćviardžali, što spampavali ŭsiu historyju vandrovak biełarusaŭ
Pry zachodzie na sajt teztour.by byŭ bačny čorny ekran i paviedamleńnie, što kampanija spyniła svajo isnavańnie z 15 vieraśnia.
Śćviardžałaja, što ŭsie sierviery skampramietavanyja. A chakiery z hrupoŭki DATASUCKERS spampavali i źniščyli: 45 miljonaŭ zapisaŭ braniravańniaŭ, 52 młn braniravańnia hatelaŭ, 252 miljony finansavych transakcyj. Ahułam stračana, jak śćviardžajuć chakiery, 395,5 miljona zapisaŭ.
Chakiery źviartalisia da klijentaŭ Tez Tour i da administrataraŭ kampanii:
«Pavažanyja klijenty! Vašy pašparty, zamiežnyja pašparty, danyja bankaŭskich kartak, telefony, adrasy i h. d. — znachodziacca ŭ našych rukach, a kampanija nie maje da ich dostupu. Usio było vydalena. Administratary kampanii, možacie nie chvalavacca — viarnuć danyja niemahčyma: usie vašy sierviery całkam zachoplenyja nami, dyski pierazapisanyja, kab vyklučyć mahčymaść adnaŭleńnia, a reziervovyja kopii — vydalenyja. Tolki kab trapić unutr i razabracca, vam spatrebicca niekalki dzion, uličvajučy vašu kryvarukaść, nie kažučy ŭžo pra adnaŭleńnie. Jak kažuć… TEZ TOUR — USIO. Kampanija zakrytaja. Klijenty iduć nach*».
Kamientary