Rubia: Pahadnieńnia pra enierhietyčnaje pieramirje pamiž Rasijaj i Ukrainaj pakul niama
Pra jaho raniej kazaŭ Tramp.
Dziaržsakratar ZŠA Marka Rubia zajaviŭ, što damoŭlenaści ab enierhietyčnym zamireńni pamiž Rasijaj i Ukrainaj, pra jakoje raniej kazaŭ prezident ZŠA Donald Tramp, pakul niama. Ale, pavodle jaho słoŭ, takaja damoŭlenaść była b całkam łahičnaj, piša Ukrainskaja słužba «Radio Svoboda».
«Hetaja vajna nie idzie na karyść nivodnamu z bakoŭ. Jana, biezumoŭna, škodzić Ukrainie i maje žachlivyja nastupstvy dla Rasii», — skazaŭ Rubia ŭ intervju radyjo WABC.
Jon padkreśliŭ, što vajna Rasii suprać Ukrainy zavieršycca dziakujučy «damoŭlenaści, dasiahnutaj šlacham pieramoŭ», a nie dziakujučy vajennym pieramoham.
ZŠA, pavodle słoŭ Rubia, hatovyja i nadalej dapamahać bakam pieraadolvać supiarečnaści, «ale, vidavočna, ciapier, siońnia, my jašče nie na hetym etapie».
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii16
Kamientary