8 vieraśnia Alaksandr Łukašenka sustreŭsia ŭ Minsku z rasijskim biznesmienam Uładzimiram Pataninym, kiraŭnikom kampanij «Interras» i «Narylski nikiel». Łukašenka prapanavaŭ jamu bolš ciesna supracoŭničać ź Biełaruśsiu.
Pa słovach Łukašenki, u biełaruskich pradpryjemstvaŭ i kampanij Patanina jość šmat ahulnych intaresaŭ. Asobna jon adznačyŭ sumiesnyja prajekty pa absłuhoŭvańni i stvareńni novaj techniki ŭ Krasnajarskim krai.
Napiaredadni stała viadoma, što «BiełAZ» i «Narylski nikiel» stvarajuć sumiesnaje pradpryjemstva dla raspracoŭki i sieryjnaj vytvorčaści padziemnaj hornaj techniki novaha pakaleńnia.
Patanin zajaviŭ, što hety prajekt pavinien nie tolki zabiaśpiečyć jaho pradpryjemstva nieabchodnaj hornaj technikaj, ale i dazvolić stvaryć novuju liniejku mašyn, zdolnuju kankuravać z najlepšymi suśvietnymi ŭzorami. U techniku płanujuć uklučyć elemienty bieśpiłotnych technałohij i novyja, bolš ekanamičnyja i biaśpiečnyja ruchaviki.
Akramia taho, baki chočuć abjadnać tradycyjnaje supracoŭnictva ŭ śfiery hornaj techniki z raspracoŭkami ŭ halinie štučnaha intelektu i pracy ź vialikimi danymi.
Patanin raskazaŭ, što pierad pajezdkaj u Biełaruś vyvučaŭ, jakija śfiery mohuć być najbolš cikavymi dla abodvuch bakoŭ. Pavodle jaho słoŭ, jon rady, što padčas vizitu ahulnyja płany ŭžo pačali pieratvaracca ŭ kankretnyja prajekty.
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary