Kreml prapanavaŭ Trampu dapamahčy spynić udary pa rasijskich tankierach i źniać z Rasii sankcyi, kab vyrašyć prablemy ZŠA z dyzielem
Praz amal sutki paśla zajavy Donalda Trampa ab nibyta isnujučaj pamiž Kijevam i Maskvoj damoŭlenaści ab «enierhietyčnym pieramirji» Kreml narešcie prakamientavaŭ zajavu amierykanskaha lidara.
Nazvaŭšy inicyjatyvu vielmi dobraj idejaj, pres-sakratar prezidenta Rasii Dźmitryj Piaskoŭ pry hetym zajaviŭ, što jana budzie efiektyŭnaja tolki ŭ vypadku spynieńnia ŭdaraŭ pa rasiejskich tankierach i častkovaha źniaćcia sankcyj z Rasii, piša «Ahienctva».
Piaskoŭ zajaviŭ, što ŭ Kramli «bačyli publikacyju prezidenta Trampa adnosna enierhietyčnaha zamireńnia». «My ŭ cełym, biezumoŭna, ličym heta vielmi dobraj idejaj, dobraj inicyjatyvaj. My znachodzimsia ŭ kantakcie z amierykancami, my zaŭsiody na baku mirnych rašeńniaŭ». — skazaŭ Piaskoŭ.
Pry hetym pres-sakratar prezidenta dadaŭ, što «harantavańnie biaśpiečnaj pracy NPZ i pavieličeńnie abjomaŭ vytvorčaści naftapraduktaŭ nie vyrašaje prablem suśvietnych». Asnoŭnaj prablemaj jon nazvaŭ vyvaz naftapraduktaŭ na suśvietnyja rynki.
«Nieabchodna zabiaśpiečyć biaśpiečnaje handlovaje marapłaŭstva, marachodstva dla naftanaliŭnych sudoŭ. Kijeŭski režym pakul nie schilny da taho, kab takuju biaśpieku harantavać. I vy viedajecie, što pakutujuć nie tolki našy naftanaliŭnyja sudy, ale i jakija naležać inšym krainam».
Druhoj umovaj vyrašeńnia prablem z pastaŭkami nafty Piaskoŭ nazvaŭ źniaćcie sankcyj.
«Treba, viadoma, admianiać sankcyi. Hetyja niezakonnyja abmiežavańni na pastaŭki enierharesursaŭ śvietu. I tolki tady, tolki tady śviet nasycicca, suśvietnyja rynki, i košty pojduć uniz», — zajaviŭ Piaskoŭ.
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary