Vydaviectva RozUM media vydaje knihu Źmitra Burbucia «… Ŭ ŁOB. Praniźlivaja historyja zmahańnia ŭ 7 ½ častkach», jakaja čytajecca jak samastojny tvor, ale bolš raskryvajecca ŭ źviazcy ź pieršaj knihaj cykłu — pjesaj «Kryptastvały», piša bellit.info.
Druhaja kniha emihranta ź Biełarusi raźvivaje prydumany im Suśviet pad nazvaj #Biełahruść, zanurajučy čytača ŭ satyru i absurd. Choć miescami moža padacca, što da realnaści sučasnaj RB, satyra Źmitra Burbucia nie daciahvaje. «Hradus varjactva zaškalvaje ŭžo ź pieršych staronak, kab, z adnaho boku, šakavać cnatlivaha čytača, a z druhoha — nievymoŭna paradavać usich tych, chto ŭ naš tryvožny čas choča prosta praržacca da śloz. Bo sumavać my daŭno ŭmiejem, a śmiajacca jašče tolki vučymsia!» — havorycca ŭ apisańni da knihi na sajcie vydaviectva.
Kniha zdadzienaja ŭ druk, ale ŭžo ciapier možna nabyć elektronnuju viersiju albo zamović print-on-demand.
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie11
Kamientary