Kali pahladzieć na ahulnuju statystyku, za apošni letni miesiac spažyvieckija ceny ŭ Biełarusi źmianilisia zusim niaznačna. U paraŭnańni ź lipieniem jany źnizilisia na 0,1%, piša Myfin.by.
Adnak pa asobnych tavarach i pasłuhach vahańni akazalisia značna bolš prykmietnymi. Niekatoryja pazicyi ŭ žniŭni stracili abo, naadvarot, dadali ŭ canie adrazu dziasiatki pracentaŭ.
Najbolš mocna ŭ žniŭni źnizilisia ceny na harodninu. Pryčym adrazu niekalki pazicyj za miesiac patańnieli bolš čym na čverć.
Rekardsmienam stała morkva. Jaje košt źniziŭsia na 36,78%. Amal taki ž vynik u bulby — minus 36,72%.
Buraki patańnieli na 31,97%, biełakačannaja kapusta — na 28,8%. Zamykajuć hetuju piaciorku śviežyja pamidory z pakazčykam −22,66%.
U supraćlehłym kirunku bolš prykmietna za inšych padaražeŭ avakada. Za žnivień hety ekzatyčny płod dadaŭ u canie adrazu 17,01%.
Nienašmat ad jaho adstała aliva. Jaje košt vyras na 13,41%.
Taksama ŭ trojku tavaraŭ, jakija padaraželi najbolš, uvajšli žyvyja zrezanyja kvietki. Za miesiac jany stali daražejšymi na 4,98%.
Što tyčycca pasłuh, to najbolš vyraśli ŭ canie avijapieraloty. Tak, u žniŭni pasažyrski pavietrany transpart padaražeŭ na 6,41%.
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma12
Kamientary