Navukoŭcy zrabili niezvyčajnaje adkryćcio, nazirajučy za hłybakavodnaj rybaj Scalicus engyceros, viadomaj jak marski pievień. Akazałasia, što jana zdolnaja nie tolki pierasoŭvacca pa dnie napierad, ale i ruchacca bokam, a taksama zadnim chodam, piša vydańnie Independent.
Hety vid vyrastaje prykładna da 25 santymietraŭ. Dla pieramiaščeńnia pa piasku i hlei ryba vykarystoŭvaje śpiecyjalizavanyja pramiani hrudnych płaŭnikoŭ, jakija nahadvajuć maleńkija łapki. Raniej ličyłasia, što ryby, zdolnyja «chadzić» pa marskim dnie, mohuć ruchacca tolki napierad.
Novyja videazapisy, zroblenyja ŭ troch rajonach paŭnočnaj častki Paŭdniova-Kitajskaha mora z dapamohaj hłybakavodnych aparataŭ, pakazali značna bolš šyrokija mahčymaści hetaj ryby. Jana moža ruchacca ŭbok, padobna da kraba, i navat zadnim chodam. Pavodle słoŭ daśledčykaŭ, takuju zdolnaść raniej nie nazirali ni ŭ adnaho inšaha vidu ryb.
Navukoŭcy miarkujuć, što pry pieramiaščeńni marski pievień spałučaje ryŭki, padobnyja da ruchaŭ krevietak, z płavańniem pry dapamozie chvasta. Jaho hrudnyja płaŭniki dapamahajuć zachoŭvać raŭnavahu, a pry niebiaśpiecy ryba moža rabić rezkija skačkapadobnyja ruchi.
Niezvyčajna vyhladajuć i jaje vusapadobnyja vyrasty — barbieły. Jany raźmieščanyja pa bakach hałavy i nahadvajuć nievialikija hrabli. Ź ich dapamohaj ryba daśleduje donny hrunt, znachodzić zdabyču i moža pranikać u jaho vierchni płast.
Vyhlad Scalicus engyceros apisaŭ jašče ŭ 1872 hodzie niamiecka-brytanski zaołah Albiert Hiunter. Adnak tolki ciapier daśledčykam udałosia zafiksavać jaho zdolnaść pieramiaščacca bokam i nazad.
Navukoŭcy adznačajuć, što nazirańnie za hłybakavodnymi žyviołami niepasredna ŭ naturalnym asiarodździ dazvalaje lepš zrazumieć pracesy ich adaptacyi i evalucyi. Novyja źviestki mohuć dapamahčy pa-inšamu zirnuć na pavodziny i raźvićcio niezvyčajnych arhanizmaŭ, jakija žyvuć u ekstremalnych umovach.
U Papua — Novaj Hviniei złavili rybu, jakuju nie bačyli bolš za 40 hadoŭ
Rybak złaviŭ na Prypiaci vializnaha soma daŭžynioj z čałavieka FOTA
Japonskija krevietki zachapili deltu Dunaja i pačali vyciaśniać rakaŭ
El-Nińjo pakidaje śviet biez chamsy. Čamu ž tady daražejšymi mohuć stać łasoś i krevietki?
Biełarus vyvieŭ na svajoj ekafiermie aŭstralijskich rakaŭ
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary