Na pieršaj u Biełarusi krevietkavaj ekafiermie ŭ Lachavickim rajonie atrymali ŭłasnaje patomstva aŭstralijskich rakaŭ. Pra heta Office Life raskazaŭ jaje ŭładalnik Uładzimir Hatoŭčyc.
U sakaviku Uładzimir Hatoŭčyc pryvioz z Rasii bolš za 1,5 tysiačy malkoŭ i 15 darosłych asobin aŭstralijskaha raka. Heta dazvolić pavysić pryvabnaść ekafiermy dla turystaŭ i adpracavać praces vyroščvańnia nietypovych dla Biełarusi vidaŭ z raźlikam na budučyniu.
Meta — razvodzić niekalki vidaŭ rakapadobnych i adzin-dva vidy ryb, a taksama naładzić vypusk ułasnaha kormu, kab stvaryć samadastatkovuju vytvorčaść, jakaja nie budzie zaležać ad pasadačnaha materyjału i karmavoj bazy.
Dla vyviadzieńnia aŭstralijskich rakaŭ pavialičyli inkubatar, dzie ciapier utrymlivajecca pieršy vyvadak — kala 1 tysiačy malkoŭ. Inkubacyjny pieryjad praciahvajecca, i fiermier najbližejšym časam čakaje značnaha pavieličeńnia kolkaści patomstva.
Pradprymalnik Uładzimir Hatoŭčyc zapuściŭ krevietkavuju ekafiermu ŭ pačatku 2025 hoda ŭ Alchoŭcach Lachavickaha rajona ŭ budynku byłoj škoły. Dla raźviadzieńnia jon pryvioz z Astrachanskaj vobłaści krevietak Rozienbierha.
U žniŭni minułaha hoda jon samastojna pačaŭ razvodzić biełaruskich krevietak ź ikry, atrymanaj u miascovych umovach. A ŭ kastryčniku minułaha hoda na ekafiermie pačali pravodzić ekskursii.
Pry vychadzie na poŭnuju vytvorčuju mahutnaść fiermier raźličvaje atrymlivać da 300 kiłahramaŭ žyvych krevietak štomiesiac.
-
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
-
Minskim Šabanam pryśviacili modnuju kalekcyju: dzie kupić i što pa cenach?
-
Andruś Biezdar, jaki vyjšaŭ ź SIZA, raskazaŭ, jak jaho sprava ciapier i što budzie dalej
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu5
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary