«Minsktrans» dazvoliŭ biaspłatna pierasadžvacca ŭ aŭtobus, jaki staić bližej da miažy
Pasažyry mižnarodnych rejsaŭ «Minsktransa» ciapier mohuć biaspłatna pierasieści ŭ inšy aŭtobus pradpryjemstva ŭžo ŭ zonie čakańnia pierad punktam propusku. Heta dazvalaje zaniać miesca ŭ aŭtobusie, jaki znachodzicca bližej da šłahbauma i raniej projdzie miažu, piša vydańnie «Naš portał».
Skarystacca z takoj mahčymaści mohuć tolki tyja pasažyry, jakija pieršapačatkova jechali mižnarodnym rejsam «Minsktransa». Akramia taho, u aŭtobusie, jaki znachodzicca napieradzie ŭ čarzie, pavinny być volnyja miescy.
Pierasadka adbyvajecca niepasredna ŭ zonie čakańnia pierad ujezdam na terytoryju punkta propusku i nie patrabuje dadatkovaj apłaty. Kali volnych miescaŭ u aŭtobusie napieradzie niama, pierasieści ŭ jaho nie atrymajecca.
Dadatkovuju infarmacyju pra paradak pierasadki možna atrymać u «Minsktransie» pa telefonie +375 (29) 700-20-38.
Kamientary