Pad Minskam pakazali novyja sarty vinahradu, prydatnyja dla biełaruskaha klimatu
U Samachvałavičach Minskaha rajona prajšoŭ tradycyjny Dzień vinahradu. Navukoŭcy pradstavili na im dva novyja biełaruskija sarty, a vinahradary z roznych rehijonaŭ krainy pryvieźli ŭradžaj sa svaich učastkaŭ. Naviedvalniki mahli pakaštavać roznyja sarty i vybrać sadžancy dla ŭłasnaha sadu, piša vydańnie pristalica.by.
U Instytucie pładavodstva, jaki mieścicca mienavita ŭ Samachvałavičach, pakazali novyja techničnyja hatunki — «Łared» i «Muskat Minski». Jany stvoranyja śpiecyjalna dla pierapracoŭki i vinarobstva i prystasavanyja da biełaruskich umoŭ.
Pa słovach śpiecyjalistaŭ, raśliny zdolnyja pieranosić marazy da minus 30 hradusaŭ i pry hetym davać uradžaj. Jahady nabirajuć dastatkovuju kolkaść cukraŭ dla vytvorčaści vina, a «Muskat Minski» maje charakterny muskatny smak.
Heta pieršyja biełaruskija sarty, jakija sielekcyjaniery stvarali mienavita dla vinarobstva. Na vyviadzieńnie adnaho novaha sortu moža spatrebicca kala 12—15 hadoŭ.
U ampiełahrafičnaj kalekcyi Instytuta pładavodstva sabrana bolš za 600 sartoŭ vinahradu. Bolš za 50 ź ich vyroščvajuć u adkrytym hruncie. Siarod techničnych sartoŭ, pryznačanych dla vinarobstva, naviedvalnikam pakazali «Maršał Foš», «Markiet», «Kryštal» i «Salarys».
Svaje ŭradžai na vystavu pryvieźli amatary vinahradarstva z Oršy, Lidy, Navapołacka i inšych rehijonaŭ. Pierad tym jak nabyć sadžaniec, ludzi nie tolki razhladali i dehustavali jahady, ale i cikavilisia terminami paśpiavańnia, zimaŭstojlivaściu i ŭradžajnaściu sartoŭ.
Naprykład, siamja Lubovi i Eduarda ź vioski Juchnaŭka pad Minskam užo vyroščvaje bolš za 20 sartoŭ. Sioleta jany płanujuć pryvieźci dadomu jašče kala dzieviaci novych. Siarod ich — «Nadzieja rańniaja», jakuju vybrali za rańniaje paśpiavańnie i mahčymaść vyroščvać bieź ciaplicy. Vinahradary taksama dobra aceńvajuć sarty «Jubilej Novačarkaska» i «Ružovy Nił».
Biełaruskija vinahradary adznačajuć, što pry vybary sortu važnyja nie tolki pamier i pryhažość hronak, ale najpierš stabilnaść, niepatrabavalnaść i zdolnaść dobra raści mienavita ŭ biełaruskim klimacie. Cikavaść da vinahradarstva ŭ krainie pačała asabliva aktyŭna raści ŭ 2000‑ch hadach, kali źjavilisia abjadnańni amataraŭ hetaj kultury.
Parečki, vinahrad i navat piersiki. Minski piensijanier vysadziŭ mini-sad kala svajho padjezda
Ahradrony na biełaruskich palach: jak bieśpiłotniki źmianiajuć sielskuju haspadarku
Jak z «Maršała Foša» vyvieli «Łored». Navukoviec raskazaŭ pra biełaruski vinahrad, prydatny dla vyrabu vina
U vinahradara ź Pinskaha rajona jahada vyrasła pamieram z kurynaje jajka
Łaza daŭhalećcia. Vinahrad pierastaje być ekzatyčnaj kulturaj dla Biełarusi
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary