«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Baranavickaja siaredniaja škoła №1 imia Siarhieja Hrycaŭca apublikavała ŭ svaim Instagram-akaŭncie patrabavańni da vonkavaha vyhladu vučniaŭ. Navina vyklikała škvał abureńnia ŭ sacsietkach.
Śpis patrabavańniaŭ dla chłopcaŭ i dziaŭčat adroźnivajecca.
U chłopcaŭ vałasy pavinny być akuratnymi, čystymi, a ich daŭžynia nie pavinna zakryvać vušy i vočy.
Ekstravahantnyja i jarkija pryčoski, a taksama farbavańnie vałasoŭ u roznyja kolery całkam zabaraniajucca.
Trapili pad zabaronu haleńnie i vystryhańnie ŭzoraŭ na hałavie.
Asobna zabaroniena vykarystoŭvać hiel, łak i inšyja srodki dla ŭkładki, jakija nadajuć «zanadta zaŭvažny vyhlad».
Doŭhija vałasy ŭ dziaŭčat abaviazkova musiać być sabranyja ŭ chvost abo kasu.
Zabaraniajecca ŭpryhožvać vušy zanadta bujnymi zavušnicami i inšymi kidkimi vyrabami.
Pad zabaronaj makijaž, manikiur ź jarkim pakryćciom i bujnyja aksiesuary, jakija pryciahvajuć uvahu.
Kamientary da pasta ŭ profili škoły zakrytyja, adnak biełarusy aktyŭna abmiarkoŭvajuć navinu ŭ Threads.
«Dzieci z kučaravymi vałasami aŭtamatyčna mima hetaj cudoŭnaj ustanovy, ja tak razumieju».
«U sensie halicca nielha? A kali ŭ majho ŭ 15,5 hadoŭ užo vusy i barada? Chacia čaho ja pieražyvaju, syn kučaravy, jaho i tak nie puściać».
«Adrazu zhadalisia repartažy z Paŭnočnaj Karei i ich dziaržaŭnyja stendy z uchvalenymi partyjaj fryzurami. 2026 hod na dvare, a dziaciej sprabujuć zahnać u adnolkavyja šabłony pa malunkach».
«Mnohija baćki sami chacieli b, kab syn zrabiŭ stryžku i nie chadziŭ z vałasami da plačej, ale nie mohuć damovicca z padletkam».
«Budź jak usie, nie vysoŭvajsia, źlisia z natoŭpam, nie pakazvajsia, nie samavyjaŭlajsia, siadzi cicha, budź nieprykmietnym… Voś prykładna taki vajb ad karcinki».
«Kali ŭžo ŭviaduć adzinuju formu i atrybuty dla nastaŭnikaŭ, dyj dla pryčosak patrabavańni taksama».
«Zaŭtra skažuć: pryhnisia, ty zanadta vysoki; pachudziej, ty zanadta toŭstaja; a ty ŭ škołu nie chadzi, ty abłavuchi».
«Baranavičy vyrašyli adkryć astravok Paŭnočnaj Karei ŭ siabie?»
«Dziakuj bohu, što ciapier aceńvajuć viedy majho dziciaci, a nie adzieńnie i koler vałasoŭ. Samym pravilnym rašeńniem było źjechać ź Biełarusi».
«Kali ŭsio sutnasnaje i źmiest adukacyi kocicca z chutkaściu śviatła ŭ tartarary, u ludziej sprabujuć adciahnuć uvahu šlacham zacyklenaści na formie. Fancik važniejšy za cukierku».
-
U škołach i dziciačych sadach dazvolać vykarystoŭvać elektraabahravalniki
-
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii
-
Sajuz palakaŭ u Biełarusi adnaŭlaje mahiłu polskaha hienierała pad Hrodnam FOTAFAKT
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo6
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary
Ustanovlennyj vniešnij vid, kakije pri čieski možno, kakije nielzia, kakije ukrašienija razriešajutsia, kakije niet, kakaja razriešiena obuv́, riukzaki, kurtki. Dla dievočiek -kakoj dliny obiazana byť jubka, kakije kołhotki/noski možnł, kakije nielzia, kakoj makijaž/łak dla nohtiej možno kakoj nielzia (jeśli eto staršaja škoła). Nie vypołnił (a) - mohut k urokam nie dopustiť i posadiť v detention, roditielej v škołu.
My vojevali v mładšiej škole čtoby dočkie razriešili nosiť zimoj pod kołhotki noski. Potomu čto botinki i sapohi nielzia, maksimum osiennije połubotinki nižie ŝikołotki. I čto-to nikto nie vozmuŝajetsia.