Svajaki kaskadziora, jaki ledź nie zahinuŭ na aŭtašou ŭ Lidzie, raskazali, što ź im ciapier
Svajaki błohiera-trukača Arcioma Prakapienki, jaki ŭ siaredzinie žniŭnia atrymaŭ ciažkija traŭmy padčas aŭtamabilnaha šou «Tački.Piknik», zapisali videa, u jakim raskazali pra jahony ciapierašni stan i abjavili pra zbor dla jahonaj reabilitacyi.
U videa mužčyna i žančyna, jakija pradstavilisia jak svajaki Arcioma, paviedamlajuć, što kaskadzior znachodzicca ŭ balnicy i ŭ jaho ciažkaja čerapna-mazhavaja traŭma. Napieradzie ŭ błohiera vielmi doŭhaja i ciažkaja reabilitacyja.
Pakolki mnohija vykazvajuć žadańnie niečym dapamahčy, svajaki adkryli dabračynny rachunak, sabranyja srodki ź jakoha pojduć na adnaŭleńnie Arcioma.
«Arciom jak tolki zmoža, abaviazkova zapiša videa, jak prachodzić jahonaja reabilitacyja, jak jon siabie adčuvaje, a pakul my prosim tych, chto chacieŭ by, pasadziejničać», — havoryć žančyna.
Svajaki ŭpeŭnienyja, što ŭ Arcioma ŭsio atrymajecca, bo jon mocny. Taksama jany prosiać ustrymacca ad niehatyŭnych kamientaryjaŭ i «dačy subjektyŭnaj acenki taho, što adbyłosia».
Arciom Prakapienka — adzin z samych viadomych kaskadzioraŭ Biełarusi. U svaje 24 hady jon maje bolš za 80 tysiač padpisčykaŭ u instahramie, dziasiatki miljonaŭ prahladaŭ u sacsietkach, a taksama padpisaŭ damovu z Red Bull i staŭ ambasadaram brenda.
Niaščaście ź im adbyłosia padčas aŭtamabilnaha šou «Tački. Piknik», jakoje prachodziła la ścien Lidskaha zamka 15 žniŭnia. Arciom padčas vykanańnia truku stajaŭ na vialikaj bočcy. Jon padskočyŭ i ŭžo ŭ pavietry jaho na chutkaści źbiła adna z mašyn, jakija dryftavali.
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?
Jak 23‑hadovy chłopiec z homielskaj vioski źbiraje sotni miljonaŭ prahladaŭ na kaskadziorskich trukach i maje kantrakt z Red Bull
Kaskadziory skakali z samaha vysokaha budynka Minska
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
Chaču tolki dadać, što ŭ cyvilizavanych krainach dla takich vypadkaŭ isnujuć strachoŭki. Nažal, biełarusy časta ličać, što niama za što tam płacić, lepš sekanomić.