Zajmalnyja roliki razyšlisia ŭ čaćvier pa sacsietkach: z dachu samaha vysokaha žyłoha doma ŭ Minsku skoknuŭ čałaviek. Sa śpiecyjalnaj viaroŭkaj, kaniečnie. Chto jon? Navošta heta zrabiŭ? Ci budzie skakać jašče? Na pytańni adkazvaje Onliner.by.
Čaćviarhovy «pierformans» — nie samadziejnaść. Skačok byŭ uzhodnieny i padrychtavany prafiesijanałami. Adryvalisia na dachu «Łazuryta» biełaruskija kaskadziory.
— My rabili rolik dla Hildyi kaskadzioraŭ, chočam pryciahnuć na biełaruski rynak kitajskich kiniematahrafistaŭ, — tłumačyć staršy ryhier Hildyi kaskadzioraŭ Respubliki Biełaruś Dźmitryj Vajciankoŭ. — Za miažoj čaściakom dumajuć, što ŭ Biełarusi niama surjoznych kaskadzioraŭ, jakija mohuć rabić składanyja truki, ale heta nie tak. Z dapamohaj rolika my jakraz płanujem pakazać svoj uzrovień. Vyjści na kitajski rynak.
«Łazuryt» jak najvyšejšy (pakul) punkt stalicy kaskadziory zaŭvažyli jašče zimoj, kali ŭ Minsku prachodzili zdymki rasijskaha filma. Tady łakacyja ŭsio ž nie trapiła ŭ kadr, ale jaje patencyjał zapomniŭsia. I, kali było vyrašana zdymać promarolik, pytańnie, dzie heta rabić, navat nie ŭźnikała.
— U kancy žniŭnia my adpravili zapyty ŭ Minharvykankam i Słužbu biaśpieki Łukašenki. Našu ideju padtrymali. Kiraŭnictva «Łazuryta» taksama pajšło nasustrač, za što im vialiki dziakuj. Apaviaścić treba było i administracyju rajona. Na zbor usich dazvołaŭ syšoŭ dzieści miesiac. Adzinaje, nie paśpieli ŭzhadnić zdymki z drona — z-za nadvorja i mocnych viatroŭ pryjšłosia paskaracca sa zdymkami. Prosta nie dačakalisia hetaha dakumienta, choć nam taksama byli hatovy dapamahčy.
— Pieršym skakaŭ Raman Karaloŭ — staršynia našaj Hildyi. Paśla jaho skakali jašče niekalki kaskadzioraŭ, rabili truki, krucili akrabatyku.
Dźmitryj udakładniaje: žycharoŭ «Łazuryta» zahadzia papiaredžvali, što ŭ dvary budzie adbyvacca ekšn. Tamu sardečny prystup nichto nie atrymaŭ. Naadvarot, kala doma sabrałosia šmat hledačoŭ. Pa płanach, skački i zdymki pavinny byli praciahnucca i ŭ piatnicu. Ale mocny viecier unios svaje karektyvy: na ziamli znosić, a ŭžo na takoj vyšyni i tym bolš.
«U nas u čaćvier viaroŭki ŭvierch uźlatali, heta pry chutkaści vietru 6 mietraŭ u siekundu. A siońnia paryvy da 16. Tamu vyrašyli nie ryzykavać. Złavili pahodnaje akno, i dobra», — kaža Dźmitryj.
— Rolik, jaki pavinien ŭrazić kitajskich kiniematahrafistaŭ, zaraz addali na mantaž. Kali jon budzie hatovy, abaviazkova jaho vam pakažam, — dadaŭ Dźmitryj.
«Arabski šejch zasunuŭ dalary ŭ kišeniu». Błohier Vadimati Jermašuk ciapier pracuje achoŭnikam luksavych bucikoŭ3
Kamientary
siejčas
1) (skoro, niemiedlenno) zaraz
siejčas pridu — zaraz pryjdu
2) (v nastojaŝiem vriemieni) ciapier
siejčas oni živut chorošo — ciapier jany žyvuć dobra
3) (srazu) adrazu, zrazu
siejčas vidno, čto umnyj parień — adrazu (zrazu) vidać, što razumny chłopiec