Займальныя ролікі разышліся ў чацвер па сацсетках: з даху самага высокага жылога дома ў Мінску скокнуў чалавек. Са спецыяльнай вяроўкай, канечне. Хто ён? Навошта гэта зрабіў? Ці будзе скакаць яшчэ? На пытанні адказвае Onliner.by.
Чацвярговы «перформанс» — не самадзейнасць. Скачок быў узгоднены і падрыхтаваны прафесіяналамі. Адрываліся на даху «Лазурыта» беларускія каскадзёры.
— Мы рабілі ролік для Гільдыі каскадзёраў, хочам прыцягнуць на беларускі рынак кітайскіх кінематаграфістаў, — тлумачыць старшы рыгер Гільдыі каскадзёраў Рэспублікі Беларусь Дзмітрый Вайцянкоў. — За мяжой часцяком думаюць, што ў Беларусі няма сур'ёзных каскадзёраў, якія могуць рабіць складаныя трукі, але гэта не так. З дапамогай роліка мы якраз плануем паказаць свой узровень. Выйсці на кітайскі рынак.
«Лазурыт» як найвышэйшы (пакуль) пункт сталіцы каскадзёры заўважылі яшчэ зімой, калі ў Мінску праходзілі здымкі расійскага фільма. Тады лакацыя ўсё ж не трапіла ў кадр, але яе патэнцыял запомніўся. І, калі было вырашана здымаць промаролік, пытанне, дзе гэта рабіць, нават не ўзнікала.
— У канцы жніўня мы адправілі запыты ў Мінгарвыканкам і Службу бяспекі Лукашэнкі. Нашу ідэю падтрымалі. Кіраўніцтва «Лазурыта» таксама пайшло насустрач, за што ім вялікі дзякуй. Апавясціць трэба было і адміністрацыю раёна. На збор усіх дазволаў сышоў дзесьці месяц. Адзінае, не паспелі ўзгадніць здымкі з дрона — з-за надвор'я і моцных вятроў прыйшлося паскарацца са здымкамі. Проста не дачакаліся гэтага дакумента, хоць нам таксама былі гатовы дапамагчы.
— Першым скакаў Раман Каралёў — старшыня нашай Гільдыі. Пасля яго скакалі яшчэ некалькі каскадзёраў, рабілі трукі, круцілі акрабатыку.
Дзмітрый удакладняе: жыхароў «Лазурыта» загадзя папярэджвалі, што ў двары будзе адбывацца экшн. Таму сардэчны прыступ ніхто не атрымаў. Наадварот, каля дома сабралося шмат гледачоў. Па планах, скачкі і здымкі павінны былі працягнуцца і ў пятніцу. Але моцны вецер унёс свае карэктывы: на зямлі зносіць, а ўжо на такой вышыні і тым больш.
«У нас у чацвер вяроўкі ўверх узляталі, гэта пры хуткасці ветру 6 метраў у секунду. А сёння парывы да 16. Таму вырашылі не рызыкаваць. Злавілі пагоднае акно, і добра», — кажа Дзмітрый.
— Ролік, які павінен ўразіць кітайскіх кінематаграфістаў, зараз аддалі на мантаж. Калі ён будзе гатовы, абавязкова яго вам пакажам, — дадаў Дзмітрый.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
сейчас
1) (скоро, немедленно) зараз
сейчас приду — зараз прыйду
2) (в настоящем времени) цяпер
сейчас они живут хорошо — цяпер яны жывуць добра
3) (сразу) адразу, зразу
сейчас видно, что умный парень — адразу (зразу) відаць, што разумны хлопец