Aŭtar biestsielera «Bahaty tata, biedny tata» Robiert Kijasaki maje $1,2 młrd doŭhu. Jon raskazaŭ, jak tak atrymałasia
Kniha Robierta Kijasaki pra finansavuju piśmiennaść razyšłasia miljonami ekziemplaraŭ.
U listapadzie minułaha hoda aŭtar biestsielera «Bahaty tata, biedny tata» Robiert Kijasaki zajaviŭ, što maje $1,2 młrd doŭhu — i heta stała siensacyjaj.
Nasamreč, heta suma — ahulny doŭh hrupy inviestaraŭ u nieruchomaść, ź jakimi Kijasaki vałodaje pryblizna 1500 kvaterami, piša Vanity Fair.
Asabistaja dola Kijasaki ŭ hetym doŭhu značna mienšaja — pry dachodzie kala $3 młn za hod, pavodle acenki, heta moža być $30—60 młn, a nie $1,2 młrd.
Adkul doŭh? Kali košt nieruchomaści raście, Kijasaki pazyčaje jašče bolš hrošaj pad uzrosły kapitał i vykarystoŭvaje hetyja pazyki jak «dachod», jaki nie abkładajecca padatkam. Kožny aktyŭ izalavany ŭ asobnym LLC (tavarystvie z abmiežavanaj adkaznaściu)— kali adzin prajekt praharyć, bank stračvaje hrošy, ale sam Kijasaki abaronieny «fajrvołami» pamiž kampanijami.
Jaho fiłasofija: niavažna, kolki ŭ ciabie daŭhoŭ, kali banki praciahvajuć davać tabie ŭ pazyku — a jany, pavodle jaho słoŭ, «nikoli nie pytajucca tabiel paśpiachovaści».
Kijasaki pryznajecca: jon lubić šokavyja zajavy — śpiecyjalna nazyvaje strašnuju ličbu, kab pryciahnuć uvahu, a potym patłumačyć, čamu «inviestycyjny doŭh — heta dobra».
Sam Kijasaki, u haściach jakoha pabyvali žurnalisty, žyvie ŭ Finiksie (štat Aryzona, ZŠA) u niezvyčajnym domie ŭ marakanskim styli — z brudna-hlinianymi ścienami i ružovymi dźviaryma, siarod typovych aryzonskich damoŭ ź ispanskaj čarapicaj. Kupiŭ jaho za $4,5 młn paśla razvodu. «Ja viedaju, heta dziŭna, ale ja dziŭny», — kaža jon.
U jahonym domie jość asabisty muziej ź jaho dasiahnieńniami: ramki sa śpisami biestsieleraŭ, tablička za miljon prasłuchoŭvańniaŭ padkasta, fota z Opraj, Borysam Džonsanam i Robiertam Kieniedzi-małodšym.
Kijasaki siabruje z Donaldam Trampam, napisaŭ ź im dźvie knihi. «Ja lublu hetaha chłopca. Jon zasraniec, ale inšaha Donalda Trampa niama», — kaža jon.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ18
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary