Śviatłana Cichanoŭskaja praviała sustreču sa śpikieram i deputatami Siejma Litvy. Što abmiarkoŭvali?
3 vieraśnia ŭ Vilni śpikier Siejma Litvy Juozas Olekas aficyjna pryniaŭ Śviatłanu Cichanoŭskuju. Udzieł u sustrečy taksama ŭziali deputaty hrupy «Za demakratyčnuju Biełaruś» i pradstaŭniki bolšaści palityčnych partyjaŭ. Ź biełaruskaha boku — daradcy Cichanoŭskaj Francišak Viačorka, Dzianis Kučynski i Anatol Labiedźka, paviedamlaje pres-słužba Cichanoŭskaj.
Śviatłana Cichanoŭskaja vykazała hłybokuju ŭdziačnaść litoŭskamu parłamientu za paśladoŭnuju i pryncypovuju pazicyju i padtrymku biełaruskaha naroda, a taksama za rašeńni, jakija nie pryraŭniali biełarusaŭ da rasijanaŭ. Asobna była adznačana pramova śpikiera Olekasa na plenarnaj siesii i jaho vinšavańnie biełarusaŭ z 25 žniŭnia — Dniom pryniaćcia Dekłaracyi ab dziaržaŭnym suvierenitecie Biełarusi.
Padčas sustrečy Śviatłana Cichanoŭskaja zaklikała zrabić Biełaruś adnym z pryjarytetaŭ jeŭrapiejskaha paradku dnia padčas staršynstva Litvy.
Baki abmierkavali padrychtoŭku da vyzvaleńnia palityčnych źniavolenych. Cichanoŭskaja padziakavała Litvie za padtrymku ŭ pytańniach łahistyki i lehalizacyi.
Cichanoŭskaja padniała pytańnie mahčymaści abmienu biełaruskich pravoŭ kiroŭcy biez dadatkovych ekzamienaŭ dla tych, u kaho humanitarny VNŽ (pa prykładzie Polščy) i ŭviadzieńnie ispytaŭ na biełaruskaj movie; viartańnia Biełarusi ŭ śpis krain, hramadzianie jakich mohuć atrymlivać dziaržaŭnyja stypiendyi Litvy dla navučańnia ŭ mahistratury, i adnaŭleńnie hetaj mahčymaści ŭ nabory na 2027 hod.
Baki abmierkavali arhanizacyju kursaŭ litoŭskaj movy dla biełarusaŭ, sacyjalnyja pytańni, u tym liku padtrymku dla dziaciej ź invalidnaściu.
Taksama na sustrečy havaryli pra budučyniu Jeŭrapiejskaha humanitarnaha ŭniviersiteta i važnaść zachavańnia dostupu biełarusaŭ da adukacyi.
«Litva zastajecca adnym z najbolš nadziejnych palityčnych siabroŭ demakratyčnaj Biełarusi. Naša hałoŭnaja meta — pieratvaryć hetuju padtrymku ŭ jašče bolš tryvałyja i kankretnyja dziejańni dla biełarusaŭ», — padsumavała Śviatłana Cichanoŭskaja.
-
Zapłacili 8000 dalaraŭ za pucioŭku — i atrymali kašmar. Jak biełarusy źjeździli ŭ Turcyju ŭ piacizorkavy hatel
-
Biełaruskaja siamja 10 hadoŭ nie mahła znajści schavanuju zanačku. Hrošy ŭvieś hety čas lažali ŭ piečy
-
Na miescy palealityčnaj stajanki ŭ vioscy Juravičy praviali fiestyval pra mamantaŭ i pieršabytnych ludziej. Historyki aceńvajuć jaho skieptyčna
Ciapier čytajuć
Hetaja biełaruskaja instazorka dajšła da Playboy — ale, u adroźnieńnie ad mnohich, nie spyniłasia3
Kamientary
[Zredahavana]