«Žurfak pa subotach» u Varšavie i Vilni abviaščaje novy nabor

Dedłajn padačy zajaŭki: 11 vieraśnia 2026 hoda

Na «Žurfaku» vy budziecie pracavać z realnymi žurnalisckimi zadačami, atrymlivać zvarotnuju suviaź ad praktykujučych žurnalistaŭ i redaktaraŭ i stvarać u supravadžeńni mientaraŭ ułasnyja materyjały dla biełaruskich redakcyj. 

«Žurfak» spoŭniŭ maju maru!» — kaža vypusknica pieršaha naboru «Žurfaka». — «Paśla pierajezdu ja maryła pracavać u «Našaj Nivie», padavała zajaŭku, ale nie atrymałasia. Paśla navučańnia na «Žurfaku» maja mara zbyłasia, i zaraz ja pracuju na «Našaj Nivie».

Mnohija vypuskniki pieršaha naboru «Žurfaka» pačali pracu ŭ biełaruskich miedyjach ci znajšli novyja prafiesijnyja mahčymaści. Pačytać vodhuki ŭdzielnikaŭ «Žurfaka» možna tut.

Dla kaho?

«Žurfak» dla vas, kali vy:

• tolki pačynajecie svoj šlach u žurnalistycy;
• užo pracujecie ŭ miedyja, ale chočacie sistematyzavać prafiesijnyja viedy pavodle sučasnych zachodnich žurnalisckich standartaŭ;
• paśla pierajezdu chočacie viarnucca ŭ prafiesiju abo źmianić svaju rolu ŭ redakcyi;
• pišacie, zdymajecie, pracujecie z sacsietkami, ale chočacie lepš razumieć uvieś žurnaliscki praces. 

Vy ŭžo žurnalist, ale nie viedajecie, što takoje nathraf? Jak i navošta źbirać infarmacyju ŭ 4 viadry? Jak z adnoj temy hienieravać 20 publikacyj? Jak AI moža ablehčyć vašu pracu?

Na «Žurfaku» budziem raźbiracca z hetym na praktycy.

Prahramu admysłova dla «Žurfaka pa subotach» raspracavała vybitnaja ŭkrainskaja žurnalistka i miedyjamieniedžarka, miedyjakansultantka Kacia Harčynskaja, jakaja supracoŭničaje z The Wall Street Journal, The Financial Times, The Kyiv Post.  

Siarod trenieraŭ — tolki praktykujučyja žurnalisty i redaktary, jakija majuć trenierskuju adukacyju: Nasta Roŭda, dyrektarka «Našaj Nivy», viadučaja TOK; Siarhiej Sacharaŭ, hałoŭny redaktar CityDog; Volha Jarochina, byłaja redaktarka sajta belsat.eu; Nadzieja Biełachvościk, staršynia Rady pa miedyjaetycy biełaruskich niezaležnych miedyjaŭ, Alaksiej Šota, hałoŭny redaktar Hrodna.life; Iryna Novik, redaktarka, miedyjamieniedžarka; Zoja Chruckaja, mieniedžarka PALATNO Media; Nina Šulakova, šef-redaktarka Devby.io; Lena Vieraščahina, hałoŭnaja redaktarka miedyja dla miedyjaŭ «Sol» dy inšyja.  

Što vas čakaje

Navučańnie budzie prachodzić afłajn pa adzinaj prahramie ŭ Varšavie i Vilniusie (u zaležnaści ad miesca pražyvańnia ŭdzielnika / udzielnicy) ciaham 10 subotaŭ.

U Varšavie — z 3 kastryčnika pa 5 śniežnia 2026 hoda.

U Vilniusie — z 10 kastryčnika pa 12 śniežnia 2026 hoda.

Udzieł biaspłatny. Prahrama nie apłačvaje hatel, ale moža pakryć vydatki na transpart pa krainie navučańnia.

Što vy atrymajecie

1. Pašyrycie prafiesijnyja viedy i ŭdaskanalicie žurnalisckija navyki pad kiraŭnictvam daśviedčanych trenieraŭ-žurnalistaŭ i redaktaraŭ biełaruskich niezaležnych miedyjaŭ;
2. Zrazumiejecie, jak funkcyjanujuć biełaruskija miedyi ŭ vyhnańni i jak adaptavacca ŭ hetaj dynamičnaj śfiery;
3. Paznajomiciesia z samymi sučasnymi praktykami suśvietnych miedyjaŭ;
4. Raźbiareciesia, dzie AI sapraŭdy ekanomić čas u pracy žurnalista, a dzie niejrasietkam nielha daviarać;
5. Daviedajeciesia ŭsio pra žyćciovy cykł naviny, krynicy infarmacyi i natchnieńnia;
6. Projdziecie stažyroŭku ŭ biełaruskich redakcyjach ź indyvidualnym mientarskim supravadžeńniem i apublikujecie svaje materyjały.

Jak patrapić na «Žurfak» 

Nie ŭpuścicie šaniec stać častkaj novaha pakaleńnia žurnalistaŭ! Padajcie zajaŭku da 11 vieraśnia 2026 hoda.

Da 16 vieraśnia vy atrymajecie adkaz i zaprašeńnie na druhi etap adboru — surazmovu.

Dla zapaŭnieńnia rehistracyjnaj ankiety:

Žyviacie ŭ Litvie? Vybirajcie zajaŭku dla Vilniusa.

Pa dadatkovuju infarmacyju pra «Žurfak pa subotach» u Litvie źviartajciesia pa adrasie: [email protected].

Žyviacie ŭ Polščy? Vybirajcie zajaŭku dla Varšavy.

Pa dadatkovuju infarmacyju pra «Žurfak pa subotach» u Polščy źviartajciesia pa adrasie: [email protected].

• 1
• 1
• 0
• 0
• 0
• 0
• 0
• 0