Padčas vizitu Uładzimira Pucina va Uładzivastok na Uschodni ekanamičny forum u składzie jaho karteža zaŭvažyli pikap ź zienitnym kulamiotam. Akramia taho, uzdoŭž maršrutu prezidenta Rasii vystavili vajskoŭcaŭ i vajskovuju techniku, a pierakryćci daroh stali pryčynaj zatoraŭ u horadzie, piša The Moscow Times.
Pucin taksama druhi raz skarystaŭsia zakrytym trapam z duhapadobnym aharodžańniem. Upieršyniu takuju kanstrukcyju zaŭvažyli 31 žniŭnia padčas jaho pajezdki ŭ Biškiek. Raniej, u tym liku padčas vizitaŭ u Kazachstan, Novasibirsk i Indyju, jon karystaŭsia zvyčajnym adkrytym trapam.
Vajskovy ekśpiert David Šarp ličyć, što vykarystańnie zakrytaha trapa moža być źviazana z uzmacnieńniem mier biaśpieki. Kali aharodža zroblenaja z braniravanaha škła, jana moža dadatkova abaraniać Pucina na ŭčastku pamiž samalotam i ziamloj, dzie jon asabliva ŭraźlivy.
Pavodle paviedamleńniaŭ vydańnia Financial Times, jašče ź viasny achova rasijskaha prezidenta była istotna ŭzmocnienaja. Pucin, jak śćviardžali krynicy vydańnia, staŭ čaściej znachodzicca ŭ padziemnych bunkierach praz aściarohi nakont mahčymych zamachaŭ abo sproby dziaržaŭnaha pieravarotu.
U mai ŭ jahonym kartežy ŭpieršyniu zaŭvažyli bronieaŭtamabil ź miescam dla kulamiotčyka i mašynu ź sistemaj radyjoelektronnaj baraćby. Pavietranuju prastoru padčas pieramiaščeńnia prezidenta Rasii kantralavaŭ viertalot.
Na fonie aktyŭnych atak bieśpiłotnikaŭ pa terytoryi Rasii i Maskvie miery biaśpieki stali jašče bolš žorstkimi. Pavodle krynicy, blizkaj da Kramla, prezidenckija kartežy časam ruchajucca pa stalicy biez samoha Pucina, kab zabłytać mahčymych złamyśnikaŭ adnosna jaho sapraŭdnaha miescaznachodžańnia.
Pucin abviaściŭ pra zachop horada, da jakoha rasijskija vojski navat nie padyšli
Pucin prakamientavaŭ zajavu Zialenskaha pra zakryćcio nieba nad Rasijaj dla cyvilnaj avijacyi
Pucin zajaviŭ, što zamiest kiraŭnika CRU achvotniej budzie pieramaŭlacca z Uitkafam i Kušnieram
Premjer Indyi zaklikaŭ Pucina pracavać nad spynieńniem vajny
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie10
Kamientary
S pulemiotom na plečach.
Hrozno cieliłsia v rasśviet,
Tolko pulek v lentie niet.
V bunkier brosiłsia biehom —
No zakryt podziemnyj dom:
Kluč utierian, śviet pohas,
I nastał raspłaty čas.