Uviečary 3 vieraśnia Kijeŭ i vobłaść praciahnuła atakavać rasijskaja hrupa reaktyŭnych dronaŭ. Pavodle słoŭ mera stalicy Vitalija Kličko, za niekalki hadzin u vyniku ŭdaraŭ paciarpieli nie mienš za dzieviać čałaviek, šaściora ź ich, u tym liku 12‑hadovaja dziaŭčynka, byli špitalizavanyja, paviedamlaje Ukrainskaja słužba Bi-bi-si.
Na praciahu dnia ŭ Kijevie niekalki razoŭ abviaščali pavietranuju tryvohu. Pavodle infarmacyi Pavietranych sił Ukrainy, reaktyŭnyja bieśpiłotniki ruchalisia da horada jak z poŭnačy, tak i z poŭdnia. Paźniej da ataki dałučyłasia novaja hrupa «šachiedaŭ». U roznych rajonach stalicy čulisia vybuchi i praca supraćpavietranaj abarony.
U Hałasiejeŭskim rajonie rasijski dron trapiŭ u dzieviacipaviarchovy žyły dom. Pažar achapiŭ pamiaškańni z čaćviortaha pa dziaviaty pavierch, taksama byli paškodžańni na dziaviatym paviersie. Z budynka evakujavali 15 čałaviek. Paźniej Kijeŭskaja haradskaja vajskovaja administracyja paviedamiła pra adnaho zahinułaha.
U Śviatošynskim rajonie abłomki drona ŭpali na padvorak pryvatnaha doma i paškodzili aŭtamabil. U Sałamianskim rajonie abłomki źbitych bieśpiłotnikaŭ upali na adkrytuju terytoryju parku i na terytoryju niežyłoj zabudovy, dzie ŭźnik pažar.
Ataka praciahvałasia i ŭviečary. Vitalij Kličko zaklikaŭ žycharoŭ zastavacca ŭ biaśpiečnych miescach.
Prezident Ukrainy Uładzimir Zialenski ŭ svaim viečarovym zvarocie taksama paćvierdziŭ, što adzin z rasijskich dronaŭ udaryŭ pa zavodzie Coca-Cola ŭ Bravarach Kijeŭskaj vobłaści. Jon zajaviŭ, što rasijski bok nie moh nie viedać, što pradpryjemstva maje amierykanskaje pachodžańnie, i nazvaŭ hety ŭdar sihnałam ZŠA.
Zialenski taksama zajaviŭ, što Ukraina budzie adkazvać na rasijskija ataki «asimietryčnymi apieracyjami». Jon zhadaŭ napad na rasijskaha hienierał-majora Mikałaja Varpachoviča, u jakoha 3 vieraśnia ŭ Sarataŭskaj vobłaści nieviadomy dvojčy streliŭ, jedučy na matacykle. Rasijski vajskoviec atrymaŭ ciažkija ranieńni tvaru i cieła i byŭ špitalizavany.
Pad Enhielsam rasstralali hienierała rasijskaj stratehičnaj avijacyi
Sajman Šuster: Heta jana. Zialenski aficyjna zapuściŭ apieracyju M&Ms, kab paralizavać maskoŭskija aeraporty
Pucin prakamientavaŭ zajavu Zialenskaha pra zakryćcio nieba nad Rasijaj dla cyvilnaj avijacyi
Zialenski: Ukraina zakryvaje nieba Rasii dla cyvilnaj avijacyi
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary