Dniom 2 vieraśnia susiedzi paviedamili ratavalnikam pra pažar u chacie ŭ ahraharadku Bujničy Mahiloŭskaha rajona.
Kali na miesca prybyli supracoŭniki MNS, dom užo hareŭ adkrytym połymiem, a ŭnutry było mocnaje zadymleńnie. Pavodle słoŭ susiedziaŭ, u domie moh znachodzicca 67‑hadovy haspadar, jaki žyŭ adzin.
U adnym z pakojaŭ ratavalniki znajšli cieła mužčyny 1959 hoda naradžeńnia. Pošuk byŭ uskładnieny vysokaj tempieraturaj, abvalenymi kanstrukcyjami i mocnym zadymleńniem. U vyniku pažaru zhareŭ dach, byli paškodžanyja pierakryćcie i majomaść u chacie.
Adnoj z asnoŭnych viersij pryčyny pažaru śledstva ličyć nieaściarožnaje abychodžańnie z ahniom. Pravierku pravodzić Mahiloŭski mižrajonny adździeł Śledčaha kamiteta.
U toj ža dzień pažar adbyŭsia i ŭ rajcentry Kiraŭsk Mahiloŭskaj vobłaści. Prachodžyja zaŭvažyli dym z bałkona kvatery na druhim paviersie piacipaviarchovaha doma na vulicy Puškina i vyklikali ratavalnikaŭ. Na momant pažaru ŭ kvatery nikoha nie było.
Ahoń paškodziŭ ścieny i majomaść u kalidory, a ścieny i stol kvatery byli zakuranyja. Ludzi nie paciarpieli. Razhladajecca viersija, što pryčynaj pažaru mahło stać karotkaje zamykańnie elektrasamakata.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
Kamientary