U Minsku paśla maštabnaj renavacyi adkryŭsia Pałac šlubaŭ na Kamunistyčnaj FOTY
Pałac hramadzianskich abradaŭ na Kamunistyčnaj u Minsku, dzie za šeść dziesiacihodździaŭ paśpieli raśpisacca bolš za 120 tysiač par, siońnia adčyniŭ dźviery paśla maštabnaj renavacyi. Vydańnie Domovita.by pabyvała na adkryćci i pieršym acaniła abnoŭlenyja pamiaškańni.
Amal paŭtara hoda tut išoŭ ramont, padčas jakoha restaŭratary viartali da žyćcia interjery hałoŭnaj viasielnaj łakacyi stalicy. Pamiaškańnie z bolš čym paŭviekavaj historyjaj zaŭvažna pieraŭtvaryłasia: zały stali značna śviatlejšymi i vizualna prastorniejšymi.
Ad hastranoma da Pałaca šlubaŭ
Žyłaja piacipaviarchovaja stalinka na vulicy Kamunistyčnaj, 8 była pabudavanaja ŭ druhoj pałovie 50‑ch hadoŭ minułaha stahodździa. Malaŭničaje raźmiaščeńnie kala nabiarežnaj Śvisłačy zrabiła hety dom adnym z samych pryhožych i paznavalnych u stalicy, choć spačatku pieršy pavierch tut zajmała zvyčajnaja praduktovaja krama.
Usio źmianiłasia ŭ śniežni 1965 hoda, kali paśla pierapłaniroŭki tut adkryŭsia pieršy staličny Pałac šlubaŭ.
Za šeść dziesiacihodździaŭ pracy tut zarehistravali adnosiny bolš za 220 000 čałaviek z amal 100 roznych krain śvietu. Doŭhi čas mienavita heta placoŭka zastavałasia hałoŭnym miescam u stalicy dla rośpisu maładych, a praktyčna ŭsie cyrymonii prachodzili va ŭračystaj abstanoŭcy.
U 2018 hodzie ŭstanovu pierajmienavali ŭ Pałac hramadzianskich abradaŭ, zachavaŭšy jaho status centralnaha viasielnaha doma stalicy. Uviesnu 2024 hoda pałac začyniŭsia na kapitalny ramont, a rehistracyi časova pieranieśli ŭ zały hatela «Viktoryja» na praśpiekcie Pieramožcaŭ.
Śvietłyja interjery i abnoŭlenyja zały
Papiaredni kapitalny ramont tut pravodzili jašče naprykancy 1990‑ch hadoŭ, i na siońniašni dzień interjeram patrabavaŭsia śviežy pohlad.
Ciapier dyvanovyja darožki i ciomnyja elemienty azdableńnia sastupili miesca śvietłaj kłasicy, dziakujučy jakoj zały stali vizualna prastorniejšymi i napoŭnilisia śviatłom. Dla azdableńnia ścien majstry abrali fakturnuju vieniecyjanskuju tynkoŭku, a ŭvachodnyja hrupy i prachodnyja zony aformili hranitam i kieramahranitam.
Płaniroŭku taksama zrabili bolš funkcyjanalnaj dla maładych i haściej. Pamiaškańni zabiaśpiečyli jakasnaj akustykaj i sistemaj elektronnaj čarhi. Akramia taho, budaŭniki praduhledzieli dadatkovy ŭvachod i stvaryli paŭnavartasnaje biezbarjernaje asiarodździe, kab u pałac było zručna padymacca absalutna ŭsim naviedvalnikam.
Pakoi žanicha i niaviesty taksama całkam pieraŭładkavanyja: tam zrabili sučasny kaśmietyčny ramont, pastavili novuju meblu i padabrali śviežaje śvietłaje afarmleńnie ŭ ton ahulnamu stylu.
Zachavanaja spadčyna i restaŭracyja
Pakolki žyły dom znachodzicca pad achovaj dziaržavy, usie budaŭničyja pracesy vialisia z navukovym supravadžeńniem, a fasad zastaŭsia ŭ svaim zvyčajnym vyhladzie. Unutry budynka śpiecyjalisty taksama bieražliva pastavilisia da aŭtentyčnych detalaŭ.
Majstry adrestaŭravali i viarnuli na svaje miescy mazaičnyja vitražy i kryštalnyja lustry. Dźviery z naturalnaha masivu dreva z aŭtarskaj raźboj adnavili, a zachavany dubovy parkiet akuratna adšlifavali i nanoŭ pakryli achoŭnym sastavam.
Hałoŭny honar pałaca — naścienny tryptych mastaka-manumientalista Leanida Dudarenki, pryśviečany stadyjam tradycyjnaha biełaruskaha viasielnaha abradu, — taksama zastaŭsia na hałoŭnaj ścianie. U vyniku interjer atrymaŭsia śvietłym, strymanym i śviatočnym, zachavaŭšy svaju bolš čym paŭviekavuju historyju.
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia42
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary