U Biarozaŭskim rajonie zapłanavany ramont paŭnočnaj bramy histaryčnaj siadziby Pusłoŭskich. Ale raspracoŭvać prajekt restaŭracyi dla hetaha nie buduć.
Tendarnuju zajaŭku na raspracoŭku prahramy rabot zaŭvažyŭ telehram-kanał «Spadčyna». Dakumient na partale dziaržzakupak apublikavaŭ Centr zabieśpiačeńnia dziejnaści biudžetnych arhanizacyj Biarozaŭskaha rajona.
Zhodna z dakumientacyjaj, pomniku patrabujecca zamiena tynkoŭki i farbavalnaha płasta na płoščy bolš za 400 kvadratnych mietraŭ. Taksama śpiecyjalisty zafiksavali častkovaje razbureńnie cahlanaj muroŭki ścien i cokala. Raspracavać prahramu nieabchodna za 20 pracoŭnych dzion, a finansavańnie samich budaŭničych prac pojdzie ź miascovaha sielskaha biudžetu.
Pakolki raboty aformleny jak biahučy ramont, heta dazvalaje nie raspracoŭvać prajektnuju dakumientacyju: dla praviadzieńnia takich prac na pomnikach 3‑j katehoryi dastatkova tolki prahramy rabot, jakuju zaćviardžaje miascovy vykanaŭčy kamitet.
Paŭnočnaja brama ŭ ahraharadku Pieski była pabudavana ŭ 1830— 1840‑ch hadach Francam Pusłoŭskim. Zbudavańnie vykanana ŭ zamkava-hatyčnym styli. Jano składajecca ź dźviuch manumientalnych kruhłych viežaŭ z zubčastym zaviaršeńniem, pamiž jakimi raźmieščany šyroki śpičasty aračny prajezd ź imitacyjaj padniataj na łancuhach achoŭnaj kratki-hiersy. Dadatkova abjekt azdobleny nizkimi vartoŭniami pa bakach, arkaturnymi pajasami i vuzkimi voknami-bajnicami.
Brama słužyła adnym z paradnych ujezdaŭ u siadzibna-parkavy kompleks Pusłoŭskich, jaki farmavaŭsia z kanca XVIII stahodździa na bierazie voziera Čornaje. Paśla taho jak u 1843 hodzie hałoŭny muravany pałac zhareŭ, haspadary byli vymušanyja prystasavać pad žytło draŭlany budynak stajni. Praz heta ŭjaznyja bramy zastalisia adnymi z najbolš vyraznych architekturnych daminant usiaho kompleksu, jakija zachavalisia da našych dzion.
Ciapier čytajuć
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1414
Kamientary