Pinski sudnabudaŭničy zavod upieršyniu za doŭhi čas pabudavaŭ novaje sudna VIDEA
Pinski sudnabudaŭniča-sudnaramontny zavod sprabuje adnavić vytvorčaść sudnaŭ. Novy trymaran «Vieras» ciapier prachodzić vodnyja vyprabavańni.
Sudna raźličana na 12 pasažyraŭ i kapitana. Jano moža raźvivać chutkaść da 7,5 vuzła, maje vodaźmiaščeńnie kala 3,2 tony i asnaščana matoram mahutnaściu 40 konskich sił.
Pakul na trymaranie ŭstalavali tolki samaje nieabchodnaje: siadzieńni, rulavuju kałonku, dystancyjnaje kiravańnie matoram i skryni dla vyratavalnych kamizelek. Paśla pryjomki śpiecyjalnaj kamisijaj tam mohuć źjavicca stereasistema, chaładzilnik, achova ad sonca i daždžu, stoł dla pasažyraŭ i karabielny zvon.
Jak patłumačyli na zavodzie, trymaran adnosicca da sudnaŭ unutranaha vodnaha transpartu, tamu jaho možna vykarystoŭvać dla kamiercyjnych pasažyrskich pieravozak.
Zavod užo atrymaŭ zapyt ad adnaho z sanatoryjaŭ. Kali patencyjny zakazčyk vyrašyć nabyć sudna, pieršy trymaran pradaduć.
«Ciapier nie tak šmat mahčymaściaŭ prahulacca pa race Pinie. Dumaju, heta davoli niebłahi sposab pravieści čas, asabliva ŭ vychadnyja i razam ź siamjoj», — adznačyŭ inžynier-kanstruktar pradpryjemstva Dźmitryj Pratasievič.
Trymaran nazvali «Vieras» u honar supracoŭnicy pradpryjemstva Viery Sierafimaŭny, jakaja ŭdzielničała ŭ stvareńni prajekta ad samaha pačatku. Zavadskija vyprabavańni sudna prajšli paśpiachova.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
Adno sumnieŭna, ruchavik 40 k.s., heta ž, jak "Zaparožac"... Na vadzie, dy pry niespryjalnych umovach nadvorja (viecier, paskareńnie płyni) moža j nie chapić dla maneŭru, abo ŭskładnić jaho.