Aŭkcyjonnyja damy Christie’s i Sotheby’s rychtujuć vosieńskija tarhi sučasnym mastactvam. Siarod łotaŭ tradycyjna jość niekalki tvoraŭ Marka Šahała, pryčym samaja darahaja karcina mastaka ź Viciebska moža być pradadzienaja bolš čym za $4 miljony, piša Office Life.
Havorka idzie pra karcinu «Sialanie», jakuju Šahał napisaŭ u 1971 hodzie, kali žyŭ na paŭdniovym uschodzie Francyi ŭ Sien-Pol-de-Vansie razam sa svajoj druhoj žonkaj Valancinaj Brodskaj.
U centry kampazicyi mastak pakazaŭ zakachanuju paru. Mužčyna pry hetym hladzić nie na svaju kachanuju, a na dachi horada. Mahčyma, tak Šahał pieradaŭ nastalhiju pa rodnym domie i Viciebsku.
Karcinu vystaviać na viačernija tarhi sučasnaha i aktualnaha mastactva Sotheby's u Hankonhu 28 vieraśnia. Vierchniaja miaža estymiejtu pieravyšaje $4 miljony.
Ciapierašni ŭładalnik nabyŭ tvor u listapadzie 2018 hoda na aŭkcyjonie Christie's za $1,93 miljona. Tady karcina była pradadzienaja značna nižej za vierchniuju miažu acenki — $2,5 miljona. Takim čynam, amal za vosiem hadoŭ jaje patencyjnaja aŭkcyjonnaja cana vyrasła bolš čym udvaja.
Aŭtentyčnaść karciny paćvierdžanaja Kamitetam Šahała, a ŭ levym nižnim kucie jość podpis mastaka.
Na nastupny dzień, 29 vieraśnia, u Sotheby's u Hankonhu buduć pradavać jašče adzin tvor Šahała — «Hładyjołusy», stvorany ŭ 1950 hodzie. Jaho aceńvajuć da $570 tysiač.
Jašče adnu karcinu Šahała, pryśviečanuju cyrkavoj tematycy, vystaviać 30 vieraśnia na tarhach Christie's u tym ža Hankonhu. Jaje vierchniaja acenka składaje kala $700 tysiač.
Bramnik futbolnaha kłuba «Viciebsk» ździviŭ haradžan niezvyčajnym padabienstvam da Marka Šahała FOTA
Vyjšła kniha pra habrejskuju historyju Viciebska
U Francyi paśla 20 hadoŭ zabyćcia vystavili pracu Marka Šahała
U Viciebsku pradali budynak byłoha chiedara, dzie vučyŭsia Mark Šahał
«Nad horadam» Šahała pryvieźli ŭ jaho rodny Viciebsk
Ciapier čytajuć
Deputatka, jakaja rychtuje pryhažuń dla Łukašenki, vyjšła zamuž20
Kamientary
Moža i nie zusim maźnia, ale nie za čatyry miljony.