Adna z samych viadomych karcin Marka Šahała «Nad horadam» upieršyniu za bolš jak sto hadoŭ viarnułasia ŭ Viciebsk. Z 17 lipienia jana budzie ekspanavacca ŭ Viciebskim mastackim muziei
Siońnia viciebskija i maskoŭskija śpiecyjalisty praviali raspakoŭvańnie i ahlad karciny. Usie raboty jany pravodzili ŭ biełych palčatkach, kab nie naškodzić šedeŭru. Mastak-restaŭratar Juryj Kiehieleŭ pravieryŭ stan pałatna. Paśla hetaha baki padpisali akt pryjomu-pieradačy muziejnych pradmietaŭ na časovaje zachoŭvańnie i skłali ŭlikovuju dakumientacyju.
U muziei adznačyli, što arhanizacyja vystavy zapatrabavała vykanańnia strohich patrabavańniaŭ da transpartavańnia, strachavańnia, biaśpieki i zachoŭvańnia mastackich kaštoŭnaściaŭ. U padrychtoŭcy prajekta ŭdzielničali dziaržaŭnyja słužby, muziejnyja śpiecyjalisty i pradstaŭniki biznesu.
Vystava arhanizavanaja ŭ farmacie «adnoj karciny»: pałatno zajmaje centralnaje miesca ŭ asobnaj ekspazicyjnaj zale. Akramia jaho, naviedvalniki zmohuć ubačyć dźvie raboty Judela Pena — nastaŭnika Marka Šahała, jakija byli dastaŭlenyja z Nacyjanalnaha mastackaha muzieja Biełarusi.
Karcina «Nad horadam» ličycca adnym z hałoŭnych šedeŭraŭ mastaka. Na joj Šahał adlustravaŭ siabie i svaju žonku Biełu, jakija laciać nad Viciebskam. Horad pakazany nie dakładna, a praz uspaminy i mastackaje ŭjaŭleńnie aŭtara, choć na pałatnie možna paznać asobnyja histaryčnyja budynki.
Pałatno było stvorana ŭ 1918 hodzie, kali mastak žyŭ u rodnym horadzie. U 1919 hodzie karcinu ŭpieršyniu pakazali na mastackaj vystavie ŭ Pietrahradzie, paśla čaho jana bolš nie viartałasia ŭ Viciebsk. Z 1929 hoda tvor zachoŭvajecca ŭ kalekcyi Dziaržaŭnaj Traćciakoŭskaj halerei ŭ Maskvie.
Šedeŭr Marka Šahała «Nad horadam» upieršyniu pryjedzie ŭ Biełaruś
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
U Viciebsku pradajuć budynak byłoha chiedera, dzie vučyŭsia Mark Šahał
Pryvatnuju mastackuju kalekcyju pradali na aŭkcyjonie za amal 400 miljonaŭ dalaraŭ. Byli i tvory našych ziemlakoŭ
Kamientary
A ŭsio tamu, što tut, u žyvapisi, usio zdarajecca pa pryncypu: a davaj hetaha mastaka ličyć hienijam, i ŭsio, što jon zdaraje - šedeŭram! I hetamu sadziejničajuć dziesiatki faktaraŭ siarod jakich faktar malavańnia navat nie hałoŭny.