U Kijevie na 15 hadoŭ asudzili ahienta śpiecsłužbaŭ Rasii i Biełarusi
Kijeŭlanin źbiraŭ infarmacyju ab enierhietyčnych abjektach ukrainskaj stalicy i praz pamiežnikaŭ Biełarusi pieradavaŭ jaje ŭ Rasiju.
U Ofisie hienieralnaha prakurora Ukrainy paviedamili ab vyniasieńni vyraku hramadzianinu Ukrainy, žycharu Kijeva, za supracu sa śpiecyjalnymi słužbami Rasii i Biełarusi, piša Radyjo Svaboda.
Jaho asudzili za dziaržaŭnuju zdradu na 15 hadoŭ źniavoleńnia z kanfiskacyjaj majomaści.
«Prakurory dakazali, što mužčyna supracoŭničaŭ z pradstaŭnikami biełaruskich i rasijskich śpiecsłužbaŭ i pieradavaŭ im vyviednyja źviestki pra miescy raźmiaščeńnia sił abarony i abjektaŭ krytyčnaj infrastruktury Kijeva», — adznačajecca ŭ aficyjnym paviedamleńni.
Što papiaredničała
Hramadzianina Ukrainy zatrymali 29 śniežnia 2025 hoda, kali jon paśpieŭ pieradać kaardynaty padraździaleńnia, jakoje achoŭvała adnu z CEC u Kijevie, a paśla rasijskaha ŭdaru paviedamiŭ svajmu kurataru ab jaho nastupstvach.
«Ni čarta vy ŭ hradzirniu nie pacelili. Ale nalot byŭ admietny. Dziakuj Bohu, my acaleli. [Kaardynaty] Voś hradzirnia. A dzie jany (achova) pad ziamlu łaziać, ja nie baču, treba cieraz płot leźci, mohuć zabić, tam achova. Daviedajusia, skinu. […] Pracujcie, braty. My dapamožam, čym zmožam. I trymajciesia, tam Rasii taksama nie sałodka», — napisaŭ mužčyna paśla rasijskaha abstrełu Kijeva 25 kastryčnika 2025 hoda.
Pavodle śledstva, jon pačaŭ supracoŭničać sa śpiecsłužbami Biełarusi i Rasii ŭ mai 2025 hoda, a ŭ kastryčniku taho ž hoda pačaŭ vykonvać ich zadańni.
Usiu infarmacyju jon pieradavaŭ «asobie sa składu Dziaržaŭnaha pamiežnaha kamiteta Respubliki Biełaruś», jakaja nibyta administravała i zabiaśpiečvała funkcyjanavańnie Telegram-bota pamiežnaj słužby Biełarusi.
U Ofisie hienieralnaha prakurora Ukrainy śćviardžajuć, što za vykanańnie zadańniaŭ mužčyna raźličvaŭ na «evakuacyju» z Ukrainy i da momantu zatrymańnia paśpieŭ sabrać taktyčny zaplečnik z usimi nieabchodnymi rečami dla nielehalnaha pierasiačeńnia miažy.
Letaś 25 kastryčnika ad rasijskaha abstrełu sapraŭdy paciarpieła adna z kijeŭskich CEC, a šerah rasijskich ŚMI paviedamili ab poŭnym jaje źniščeńni.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary